逸逸瞓醒覺晏覺，我哋又出去玩了。
我是魔天輪控，每次見到摩天輪都忍唔住想去玩，今次一場來到港島區，點可以唔去玩下。
今日其實天氣唔多好，不過都無阻我的興緻。
好有型的I LOVE 852燈牌，我愛香港！
恆仔排隊去買摩天輪的門票，我帶住逸逸周圍逛下，逸逸開聲話好想玩揸船。
揸船成為咗逸逸今晚的第一位！佢話好好玩喎～
至於我就俾依部即榨橙汁機吸引住，因為諗起2018年的上海之旅，當時我哋係地鐵站的自動販賣機買咗橙汁飲。
今次杯橙汁都幾好飲，但遇上了一些阻滯，首先買完之後先發覺無飲管，因為橙汁是密封包裝，沒飲管連打開包裝都有問題，結果要搵工作人員幫忙去附近小食亭拎飲管。之後就諗住一邊飲橙汁一邊排隊等候上摩天輪，點知由排隊位開始已經不准飲食，最後唯有咕嚕咕嚕一口氣飲晒佢。
雖然天氣唔好，但排隊玩摩天輪的人都唔少，排咗大約半個鐘頭，終於到我哋了。
因為限聚令或保持社交距離的原故，一個可以坐8個人的車廂只有我們一家三口，還是第一次呢！感覺特別Free，始終有其他人會比較拘謹。
可以自由自在咁係車廂入面影相
至於外面的風景，因為下著雨的關係，都是矇矇矓矓～
坐摩天輪期間，其實逸逸一直有點不安，因為聽到有啲唔知邊度傳出嚟的奇怪聲音。其實摩天輪下面設立了一個大型戶外電影院The Grounds at AIA Vitality Park，以私人花園式設計，每個私人花園可以容納2至4個人，而當時銀幕就正在放映Star War，你可以想像一下逸逸聽到什麼聲音。
我們買了摩天輪+Merry go round套票，玩完摩天輪就過嚟騎馬仔。
依個係好傳統款式的Merry go round，點解我隻馬好似小朋友係公園玩個啲搖搖馬既？原來我隻馬無企身條柱，轉的時候唔會升高降低架，係古惑的馬。
因為比我們逗留的時間比預計耐，走的時候已經差唔多8點半，原本諗住搭船去尖沙咀食飯當然要放棄，行路去中環Don Don DONKI買外賣都嫌遠，最後決定返金鐘買麥當勞。
等食物時自拍，恆仔話見到隔離大家樂忍唔住去咗買焗豬扒飯。
返房先食晚餐，我話恆仔的焗豬扒飯破壞晒氣氛，哈哈。今晚我飲咗久違了的士多啤梨milkshake。
飯後甜品係今朝係華爾登餅店買的朱古力蛋糕，好硬好難食。
同逸逸一齊浸埋浴就瞓覺了💤⋯⋯