BABY SHARK LIVE THE HIDDEN TREASURE

本來是2020年12月的表演,因為疫情的關係,先延期至今年2月,再延期至今年6月,終於可以欣賞到這個演出了。

有小朋友的家庭一定識唱Baby Shark,連學校都會同小朋友唱,加埋平日都有聽Pinkfong的兒歌,所以逸逸都同佢哋好Friend。

表演場館入口有售售價不菲的Pinkfong和Baby Shark氣球及各式紀念品,幸好旁邊碰巧有免費氣球,我那易滿足的寶貝已經非常開心。

演出開始了,除了有Daddy Shark、Mummy Shark同Baby Shark一家之外,仲有Pinkfong同Hogi以及一班海洋生物,舞台上一直都色彩繽紛熱鬧非常,唱著熟悉音調的歌曲,載歌載舞,算係唔錯的一個表演。

不過以觀眾的年齡層來說,逸逸算係比較大的孩子,所以精力比較充沛,由頭Hyper到尾,仲行出樓梯跳舞。因為我們看1:30pm的場次,完場時發現不少孩子已經睡著了。

後記一:

我們的座位原本是在上層,但可能因為演出日期一改再改造成票房不佳,上層沒有開放,我們改為坐下層,但轉位又安排得唔清晰,入座時非常混亂。

後記二:

我們看完Show後在九展的一間叫做Cafe Wellcome & BBQ Place的餐廳吃午餐。

食物美味價錢相宜之外,原來這兒有戶外BBQ場,旁邊還有兒童遊樂場,下次真係要試吓。

後記三:

回程的時候,因為一個粗心大意嘅司機,停晒紅燈都撞埋嚟,架車就俾人搞成咁。

新車落地只係半年,好彩人無事,戴安全帶真係好重要。

Comments

comments

發表迴響

你的電子郵件位址並不會被公開。 必要欄位標記為 *