二零二一年三月十九日(星期五)
今天是逸逸學校的教師發展日，以往的我早已安排了一個星期四下午出發星期日晚上回來的四日三夜之旅，依家因為疫情關係無得飛，我都拎日假一家人一齊去迪士尼玩下喇~
上次買埋小飛象返屋企之後，更加同小飛象形影不離，所以今次迪士尼之旅逸逸的THEME是小飛象。
第一個被逸逸寵幸的玩意就係逸逸依期的最愛”發夢”，即係鐵甲奇俠飛行之旅。逸逸玩得好投入，會伸出雙手幫IRONMAN手對付壞人架﹗
春天繁花似錦，七彩繽紛的顏色令迪士尼變得更加夢幻~
今日我地同高飛影合照
下一個目標係去睇魔海奇緣凱旋慶典，未夠鐘就先去逛下商店，MARIE、TOULOUSE同BERLIOZ換左新衫好有型，不過逸逸的重點係發光ELSA。
因為唔想係表演場地等咁耐，結果去到無位坐，又熱又曬，逸逸都企到無乜心機。睇咗一陣有人走，逸逸有位坐，即刻成個人醒晒神，之後仲不停講話下次要早啲嚟揾位。
我們本身未睇過MOANA的電影，表演的內容主要是MOANA從冒險凱旋而歸，與村民分享她的冒險旅程，表演的形式係屬於輕鬆活潑型，很有氣氛。自從疫情縮減表演場地入座人數引致迪士尼魔法書房及獅子王慶典難以入場，想睇DISNEY SHOW的話，MOANA SHOW係一個好選擇。
今日一入場就去CORNER CAFE取籌打算食下午茶，所以先食少少嘢頂頂肚。依期迪士尼做緊PROMOTION，我們累積的餐飲消費(16個印花)可以免費換領米奇雞蛋仔一份。雞蛋仔入面素捲住的不是雪糕，但口感卻像不凍的軟雪糕，好味道。可惜人太多，搵唔到一個唔曬的位坐低食。
天氣太熱，我都忍不住要買杯ICE LATTE消消暑。
今日仲有一個目標，就係想入城堡同公主影相。排隊的人很多，問一問職員，依個位置大約要排45分鐘，於是恆仔自告奮勇留下排隊，其實依一刻究竟同邊個公主影相都未知。
恆仔掛隊期間，我就帶逸逸去玩小小世界，還是第一次二人世界呢﹗沒想到今日小小世界咁多人，同公主影相條隊又無預計咁耐，結果玩我們玩完小小世界返到城堡，恆仔早已排在最前，連職員都忍唔到話小公主終於到喇！
城堡入面同公主影相的位置裝修得好靚，我哋今日原來係同長髮公主樂佩影相呀！
活潑開朗的樂佩主動撩逸逸傾左好多計，問佢叫咩名之後，又讚佢個蝴蝶結好靚，然後話自己條辮都有唔同顏色的花花，問逸逸鍾意咩顏色。又話自己鍾意用唔同顏色畫畫，問逸逸鍾唔鍾意畫畫，逸逸點頭後就話下次有機會一齊畫畫。
之後我同逸逸講返樂佩話下次同你一齊畫畫，逸逸答：咁要嚟我哋屋企先得喎！🤣🤣
天氣真係又熱又曬
仲未收到CORNER CAFE的短訊，於是去上次已經參觀過的奇妙夢想城堡故事展逛下，同公主有關的互動遊戲，逸逸百玩不嫌。
逛完展覽仲未有消息，但估計應該差不多有位，因為收到訊息要15分鐘內到達餐廳攞位，今次輸到我留守，恆仔帶咗逸逸去玩蟻俠與黃蜂女射槍槍。
終於有位喇，今次我哋食咗依個靚靚TEA SET，味道樣樣都唔錯。
飲品就要咗Cookie Ann’s Mango Lagoon同埋可樂（恆仔唔太喜歡依類Fancy飲品）。
不過今次主角其實係依個扮All Day Breakfast的甜品拼盤，點知真身原來麻麻地，後來對返圖片仲發現俾漏咗隻「煎蛋」添！
All Day Breakfast 甜品拼盤就配依杯Olu Mel the Musician，清涼感十足。逸逸飲咗兩啖就唔小心飛咗落地，即刻喊咗出嚟，好彩職員唔單止幫忙收拾，仲拎過一杯全新的飲品出嚟，謝謝你呀！
食嘢期間順便係窗邊睇巡遊
依頓下午茶仲有兩件事特別要記低：
- 坐在我們旁邊一桌的四個女生全部以時尚的造型作出公主Feel的打扮，特別喜歡一頭紅髮的美人魚，少有的讓我覺得大人扮公主不討厭。
- 外面有一個跟萍姑姐外貌和身型都好似的女士，但她照顧著的不是我表哥或表弟的孩子，所以肯定不是真正的萍姑姐。但因為看起來太似的關係，所以讓我們一直很在意，特別是恆仔，他不斷說為什麼那女士一直唔行開，好搞笑！
食完嘢我地就去玩蜜糖杯
又拎咗上次買的IRON MAN泡泡機出嚟玩咗一陣。
然後玩轉轉馬，每次玩都要幫馬馬改名。今次逸逸隻馬叫寶琪，我隻馬就叫小天使。
然後再玩小飛象
過埋對面玩米奇幻想曲
玩到入黑都唔願走，難得欣賞到Toy Story Land的夜景、又幾靚喎！
最後一站係轉轉狗，講好咗玩埋依個就返屋企。
美國小鎮大街都著晒燈
晚上的城堡都好靚，唔知幾時有返煙花Show呢？
影埋噴水池，終於捨得返屋企了！
又一次盡興而歸喇！