山長水遠的來到將軍澳，今次是帶ELSA迷逸逸參觀位於將軍澳中心的FROZEN夢幻特展。早於2020年10月已經透過KLOOK以早鳥優惠購買門票，結果展覽因為疫情的關係閉館一段時間，直至2021年3月，趁著疫情稍為緩和就立即預約參觀了。
因為怕人多，我特地請假選擇平日的日子過來，所以逸逸放學後我們就出發了。
FROZEN夢幻特展會場入口，又稱為「冰雪王國之門」，看到主角ELSA、ANNA和雪寶已經非常興奮。因為屬公眾娛樂場所，入場要量體溫及掃安心出行。
我們進入「冰晶森林」，看到基斯托夫和他的雪撬，咦，點解唔見斯特既？
仲有雪寶，逸逸對於場景入面地面的假雪非常好奇。
入到這個互動投影區就非常好玩，可以使用魔法召喚風雪甚至ELSA、ANNA和雪寶等角色。
正在召喚雪的逸逸，即刻好似變左身做ELSA咁~
下一區叫做「冰城堡、小白佳節冒險及精靈山谷」。
見到基斯托夫的好朋友石頭精靈
仲有，我地終於見到斯特喇~
兩母女扮召喚魔法中的ELSA
環形魔法召喚區可以親身經歷ELSA受到內心聲音召喚的夢幻場景，勇敢踏上未知領域尋找真實的自我。
來到了下一區「魔法森林」的入口 – 魔法之境，巨石高聳入雲，經歷ELSA和ANNA勇敢再出發找尋自我的情景。
最好玩當然是模擬風之靈的彈床，其實個慨念真係好正，結合埋個畫面跳彈床真係好有FEEL﹗如果大人可以玩我都好想跳埋一份。
因為參觀的人唔算多，逸逸起碼排隊跳咗三次。逸逸真係大個咗好多，佢排隊時竟然主動撩個工作人員姐姐傾計，另一樣攪笑的是逸逸個樣可能比較BB，工作人員姐姐想扶逸逸落個彈床個度，逸逸當然唔需要喇，話晒都已經4歲了。
石頭巨人
可愛的雪寶，這兒其實還有一個VIDEO係有關到處亂竄的火精靈，都幾好睇。
下一區是「黑海」。
如果說剛才的彈床係最有FEEL的互動遊戲，這兒就係最有型的一部分。這是ELSA征服水之靈的場景，只要踏在地板上，就會出現結冰效果，尤如使用魔法的ELSA在海面上奔馳。
我都唔知逸逸係依度跑左幾耐，反正就係跑完黑海就返去跳彈床，跳完彈床又返黎跑~
打卡位同魔法森林女王愛莎合照
去到尾聲，經歷充滿著愛與勇氣的魔雪奇緣精彩旅程，共同見証ANNA於阿德爾的女王加冕典禮。
展館還有另一個部份，是在商場的另一邊，門口就有ANNA同漢斯王子定情的鐘樓，又有很多FROZEN有關係油畫。
入面其實係填色遊戲
仲可以簽埋名，逸逸自己都可以油得好靚~
不過都可以好有個人特色，仲會放埋上牆扮油畫~
我都忍唔住畫左一幅呀﹗
整體嚟講依個展覽對於FROZEN FANS都真係幾吸引，逸逸玩得好開心，仲問可唔可以再去添﹗梗係唔得喇，好貴架﹗