二零二零年十二月二十五日（星期五）
以前在Facebook看到同學於假日帶孩子回中大的百萬大道踩單車，已經非常羨慕。近日逸逸學識踩單車，我又申請左校友信用卡可以泊車，終於可以實踐到中文踩單車的願望。
已經到了午飯時間，一心諗住係新亞書院的草地野餐，點知恆仔俾大鐘底的桌椅吸引住，話坐得舒服啲喎！我們帶了華御結的飯糰，簡單又好味道。
食完嘢都俾逸逸係草地跑下
兩母女合照
中大都可以賞紅葉架
人氣打咭景點：天人合一，去親依度都咁多人。
影完相，我們就駕車落本部去百萬大道踩單車。
今次我們帶晒單車和滑板車來，恆仔本來話我跨張。
但係當逸逸踩單車時，我們可以勉強一齊玩逸逸的滑板車。
亦因為咁，我們起了要買一部成人滑板車的念頭。
假日的百萬大道又闊落又無乜人，空氣又好，係度踩單車真係好正。
特別記錄：
係度我們遇上兩個成日纏住逸逸的小男孩，總是圍住她團團轉，唔知係想蝦佢定同佢玩，卻出現不少驚險鏡頭。
成個畫面就好像逸逸遇上兩個臭飛，要爸爸守護住。兩個男孩沒有再過來之後，逸逸仍然一直碎碎念：我好唔鍾意嗰兩個小朋友，超搞笑，我還是第一次見這個樣子的逸逸。