由細到大我都唔鍾意飲凍滾水和熱水，所以一係飲冰水，一係就飲熱茶。
我一定要隨時隨地都有熱水，因此，我們屋企一向都係用恆溫電熱水壷，再按需要攤凍滾水。本來只是我們兩個大人也相安無事，反正無凍水咪飲暖水熱水都無乜所謂。
自逸逸出世後，凍滾水的需求大增，屋企幾個水樽的水倒來倒去目的都只是要確保屋企至少有一樽室溫水，實在覺得要煲水再等變凍水這個過程非常討厭，而且又見到舊的電熱水壺有微粒走出來⋯⋯
其實我們已剛剛買了一個新的電熱水壺，但偶然看到Facebook那火星來的據說是空姐專頁板主Ah-yo介紹PHILIPS純淨飲水機，有濾芯可以過濾水喉水變飲用水，根本就是我想要的東西，想了幾天就買了回家。
用左超過兩星期，非常之好用，全家包括逸逸都飲多咗水，因為方便，而且啲水好好飲，依家反而飲少左熱茶，因為我也愛上了飲室溫水。
我們這款舊型號只有4個預設溫度：室溫、45度、85度和95度，不過對我們來說已很足夠，我們終於再無缺乏凍滾水的煩惱了。
PS 1: 可以直駁水喉仲好不過又無位又無錢
PS2: 明明Office用蒸餾水機都可以做到冰水，如果部機可以出埋冰水就真係完美了。