平安夜日遊太平山

二零二零年十二月二十四日(星期四)

本來10月竹時候結婚週年那天取了一天大假就想來一趟山頂,卻遇上了八號風球,今次聖誕前夕再放大假,我們終於來了。

坐纜車坐巴士上山頂就試得多,還是第一次駕車直接上山頂,原來山頂廣場有很好的泊車優惠呢!

泊好車先上山頂廣場頂樓的觀景台逛逛,設有很多靚靚影相位。

原來山頂廣場增設了不少寵物友善設施,好像這個可攜帶寵物一起野餐的露天草地,真係幾舒服喎。

逸逸自己都唔知自己變咗狗狗的食物,哈哈!

依幾個 Photo Booth吸引逸逸瘋狂影相,影極都唔肯走。

山頂的風景真係好靚

山頂廣場開設了大富翁夢想世界,一直都未有機會來玩下,大富翁夢想世界屬於公眾娛樂場所因疫情也正在閉館中,只能夠在外面先影影相。

逸逸話肚餓,之前經過見到麥當勞無乜人,點知再去就已經坐滿晒人,為保持足夠的社交距離,我們決定去Don Don Donki買外賣。

山頂廣場的DONKI副線新店情熱笑店Jonetz Market,以日式台屋為概念,以售賣熟食的攤位為主。

我們一人揀了一個薯餅,逸逸的是芝士薯餅,我當然是明太子薯餅,恆仔就係最保守的牛肉薯餅,另外又買了玉子燒和三色糰子,每一款食物味道都不錯。

再揀埋飲品就出發開餐了。

係邊度開餐?最安全的當然係Picnic at Car,話晒都係自己的私人空間嘛!唯獨擔心的就是讓逸逸在我們的新車食嘢,有被整污糟的風險,所以有點壓力。

食完嘢點都要去山頂最佳的觀景位置 — 獅子亭,香港真的很美。

獅子亭的位置已經夠高,逸逸還要坐在爸爸的膊頭上面,即刻更加高人一等。

我們沿著獅子亭旁邊的山路走了一段,空氣真係超級清新,隔住口罩都聞到大自然的香味,好正!

不過行左一段路就發現開始落山,唯有折返,我地唔可以漏低架車係山頂架嘛。

行左依一段路,我更加想行圍繞山頂走一圈的山頂環迴步行徑,對於我來說山頂環迴步行徑這條路充滿回憶,因為小時候每逢爸爸生日都會出城上山頂走一圈再走路落山,然後去明愛食自助餐。

逸逸的體力已經唔夠支持行一圈,下次一到埗就要即刻行,今次我們去返2018年跟家人一起去過的柯士甸山遊樂場。

因為這兒有一個大草地,逸逸可以盡情跑下。

逸逸做攝影師幫我們影相。

臨走之前再去DONKI買下午茶,恆仔食美式熱狗,我食香蕉朱古力班戟。

逸逸就食朱古力香蕉

我們還買了拖羅壽司做晚上的平安夜晚餐呢!

Comments

comments

發表迴響

你的電子郵件位址並不會被公開。 必要欄位標記為 *