二零二零年十二月二十二日（星期二）
無得去日本韓國賞紅葉，於是大棠紅葉成為依期最Hit的打咭點之一，有見逸逸的腳骨力經多次去迪士尼樂園的訓練之後有所長進，於是趁著年假的第一天，我們也湊熱鬧去大棠行山賞紅葉。
沒有想到非假日的大棠都人頭湧湧，而且有警察封路唔俾駕車上山。
附近就有地主提供爛地作觀賞紅葉停車場，盛惠$80，其實咁樣都係一件好事，唔洗攪到上山條路好似以前咁大塞車，不過最令我擔心的是要行的路比我預算長咗好多，逸逸頂唔順就大件事。
未見紅葉，先係一地枯葉上面影張相。逸逸身上依套Jordan Tracksuit幾型仔，爺爺講咗好耐話要買套運動衫褲俾逸逸，最後爸爸媽媽㨂左依套俾佢。
好不容易行到去大棠郊野公園停車場，終於見到往楓香林的路牌。
開始見到D葉黃黃地
行左大約1個小時，我們終於見到紅葉了，又真係幾靚喎~不過好似無九年前咁靚咁既？
一家三口合影
唔同角度影多幾張，印象中再行落去應該仲有紅葉，而且可能仲靚，但我地決定返轉頭，因為擔心逸逸頂唔順。
中間都要坐低休息一下
終於返到落去大路，見到雪糕車當然獎勵一下行路叻叻的逸逸，今日總共行左一個半鐘頭呀﹗
我地淨係買左一杯雪糕俾逸逸食，佢好似覺得有D寂寞咁樣，仲話不如下次買三杯雪糕，爸爸媽媽逸逸一齊食添﹗