今年聖誕,大受小朋友歡迎的Baby Shark來到V City了。
其中一個逸逸最喜歡的就是這個「互動星光隧道」。
同其他小朋友一齊係圓圈位置跳來跳去同埋係隧道跑來跑去已經非常興奮。
依一日係星期日,亦係設施開放的第一個星期,依個「Baby Shark『圓』浮鞦韆」好多人,要排好耐隊,不過係幾可愛既。
V City近幾次Promotion都有依類型的互動遊戲大電視,今次是潛入深海同Baby Shark鬥快游水嘅「唱游Doo Doo水世界」,我相信逸逸唔太理解遊戲規則,重點都係同其他小朋友一齊跳一齊笑。
仲有其他靚靚影相位,反而奇怪竟然無booth賣產品。
仲有唔好漏咗地下Starbucks隔離的搖摇板。
其實我哋都玩咗大半個鐘,但逸逸仲係唔捨得走,又話仲未玩黃色巴士:
爸:我地下次再黎玩喇,一次過玩晒下次就唔黎架喇
媽:今日咁多人,下次我地平日夜晚來再玩喇
逸:多人唔好咩?我鍾意多人,可以同小朋友一齊玩。
果然大家的心態不一樣。
————————————————
翌日晚上,我們又來到V City玩Baby Shark,順便吃晚飯。
今日真係無乜人,「Baby Shark『圓』浮鞦韆」基本上唔駛排隊,逸逸連續玩左兩次就無乜癮。
終於參觀咗黃巴士,原來係整貼紙的地方。
不過真係人太少,逸逸無乜興致,玩左一陣主動話要走。
—————————————————-
同一個星期四,恆仔返聖堂上堂,我們又在V City吃晚飯。飯後,逸逸話想再去玩Baby Shark。
依一日人少得嚟都Keep住有小朋友來來往往,逸逸跟住一個妹妹跑來跑去都好盡興。但係明明逸逸係姐姐,點解一D姐姐的風範都沒有,哈哈!
今次仲影咗張靚靚合照
另外,我又用分換咗壓印貼紙。
依個真係麻麻地,同埋應該好快就無晒圖案。
結果依一晚玩到恆仔放學一齊返屋企。
—————————————
一共玩咗三次Baby Shark都未到12月,依個聖誕Promotion無耐就因為疫情關係所有設施封晒了,很可惜呢!
原來原本設計係壓印貼紙~
我哋去嗰日見到其他人用紙巾嚟壓印,我哋又有樣學樣用紙巾~
我都見到有人用紙巾,是聰明的選擇。