二零二零年十月二十一日（星期三）

剛過去的星期六才去過迪士尼，接下來的星期三又去？對，因為星期二早上帶了逸逸去睇眼科，辛苦的滴了三庁次放大瞳孔藥水，又乖乖配合接受測試，所以要獎勵一下逸逸，星期三下午我放假，於是逸逸放學後食埋午飯就出發去迪士尼樂園了。

逸逸好喜歡正門外的噴水池，每次來都要花點時間站在旁邊欣賞欣賞。

今日第一樣受逸逸寵幸的遊樂設施竟然是飛碟，明明一個上班上學日的下午都唔知點解咁多人，排隊排咗差不多半小時先有得玩。

依家逸逸玩飛碟要”I have the control.”

原來去迪士尼玩都可以學習，我突然留意到原來每架飛碟都有個編號，於是我問逸逸：「前面飛碟8號，再前面飛碟9號，我地架飛碟幾多號？」經引導後逸逸成功解答這條問題。

今年逸逸開始學寫字，唔再係文盲的逸逸行行吓指住地面：依個係「大」字。

邊個話去迪士尼玩唔可以啟動學習Mode?

小小世界又係好多人，不過好彩排隊的地方有冷氣無咁熱。

其實除咗比薩斜塔之外，我仲好想去威尼斯坐貢多拉同埋去埃及睇金字塔，未有得飛參觀下小小世界的景點都好過無。

入場之後就一路睇住個錶，因為今次入園好想睇獅子王慶典。

表演4:30pm開始，我們4:15pm來到已經滿座，職員提醒如果想睇下一場節目最好早一個鐘到。吓？又唔係未睇過，我就唔會花依d等待的時間了。

於是行返去Toy Story Land。

途經灰熊山谷，幸運的遇上了鋼牙和大鼻。

一來一回行咗好多路，於是又係翠絲小食車飲菠蘿沙冰新地，今日見到好多麻雀、逸逸不停同麻雀打招呼，非常忙碌。

飲完嘢當然要去玩彈弓狗

我地仲係度見到胡迪添！

再返幻想世界玩一次轉轉馬，今次我地幫自己騎隻馬改名，逸逸隻馬叫莎莎，我隻馬叫紫晶。

晚上要返娘家食飯，玩埋轉轉杯就要走喇！

真係轉到我有d暈暈地

夕陽下的新城堡真係好靚

晚霞襯托之下火車站都特別迷人

通常風雨前夕先有咁靚嘅晚霞，果然之後又打風了。

依依不捨的逸逸要睇埋音樂噴泉表演先肯走呢！

Comments

comments