逸逸的義氣@迪士尼樂園

二零二零年十月十七日(星期六)

因為買咗年票的關係,沒有什麼特別原因,只是沒有特別事情要做就入去迪士尼玩,始終這一年一直過著紛亂、不安及無奈的生活,迪士尼的快樂和夢幻可以讓我們有一個喘息的空間。

又係要同新城堡影返張相先

第一個目的地當然係逸逸最愛的小小世界,依排一入去小小世界就要拎住相機周圍影。

之後是例牌的轉轉杯,每次都超級興奮。

經過夢想花園見到有迪士尼朋友剛剛換班,排隊的隊伍無乜人但又有職員守候,即好快又有另外一個迪士尼朋友會過來,於是我們又去排隊,最後登⋯登⋯登⋯櫈⋯

原來是唐老鴨,雖然只能保持距離地自拍,但效果又出奇地不錯喎!

 

影完相就去玩轉轉馬

因為逸逸成日話好驚Pooh Pooh,唔肯去玩小熊維尼歷險之旅,為了鼓勵逸逸再嘗試,於是我同逸逸講我真係好想玩Pooh Pooh,最後逸逸話:「好喇,我陪你玩喇。」

原來逸逸真係好驚,一轉到入去就成個人趴低咗,完全無周圍望,直至返回外面的世界。逸逸果然真係好驚喎,多謝你咁有義氣陪我玩蜜糖杯呀!

出到嚟同Pooh Pooh小豬影相就無問題。

為咗逸逸可以定一定神,我地又去玩多次小小世界,恆仔曾經同逸逸講過我好想去意大利的比薩斜塔,逸逸依家見到就會指住講:「媽媽你最鍾意嘅比薩斜塔呀!」

另外,逸逸看卡通片《Fancy Nancy》入面女主角妮妮好鍾意法國,有一集妮妮的妹妹寶兒叫艾菲爾鐵塔做大鄉里鐵塔,逸逸覺得好搞笑,所以小小世界入面的艾菲爾鐵塔也是逸逸會留意的地標。

下一站是童話園林

去到Toy Story Land,扮下猴子影相先。

再sweet sweet合照

過嚟Toy Story Land當然係玩彈弓狗,至於綠色遮遮(玩具兵團跳降傘),要繼續搵機會鼓勵逸逸再次挑戰。

樂園餐廳好多人等位,今次都係食D小吃頂頂肚,回家才吃午餐吧!

我們又係去幫襯翠絲小食車,今次試咗美式熱狗同埋三眼仔包。

又買咗上次覺得好美味的菠蘿沙冰新地。

逸逸真係非一般的女孩子,佢會話「我食咗佢隻眼」然後超興奮同狂笑。

見到西部米奇喎,同佢打個招呼喇!

今日逸逸扮美人魚,見到佢d朋友仔要影返張相。

出到嚟美國小鎮大街見到高飛,又排隊影下相,今次條龍長長地,不過我們諗住影埋相就走,排一陣唔緊要喇!

無諗過影相無乜特別,反而影完相職員的一番說話令我們非常難忘。她說:「你係咪跳返落水喇美人魚?」

對於逸逸來說當然好開心,因為她真的當自己是美人魚,佢會暗暗偷笑的同我哋講:「其實我係扮美人魚㗎咋」。至於我同恆仔,真係覺得遇上了久違了的magical,香港迪士尼樂園的職員早已被內地遊客磨滅晒所有營造氣氛的意志。

Comments

comments

2 則迴響於《逸逸的義氣@迪士尼樂園

  1. 保持距離拍照,有另一種效果,遊客都突顯了主角的身份,迪士尼人物在後面扮鬼扮馬,做大家的配角。

發表迴響

你的電子郵件位址並不會被公開。 必要欄位標記為 *