因為疫情的關係,我們繼續在家慶祝父親節,今次試下阿高介紹的優鮮。
我們訂了青龍蝦大滿粥海鮮蒸鍋套餐,一份六人餐再加兩人份海鮮(每份$240),再加$60包洗埋海鮮,乾手淨腳。
開餐喇!美中不足的是店家沒有提供各類型海鮮的建議烹調時間,不過上網search都唔複雜,依個重任就交俾阿Day了。
生猛青龍蝦
大連鮑魚
日本北海道元貝
活象拔蚌仔
泰國游水大頭蝦
爽脆活花螺
沙白蜆
安格斯肩胛牛肉
- 海鮮超級新鮮,大頭蝦送到來的時候還會郁的,沙白仲浸係水入面吐緊沙,而且洗得非常乾淨,除左倒走吐完沙的水之外、完全唔駛加工,打開就食得。
- 各類海鮮都是水準之作,鮮甜彈牙,連牛肉都係揀手貨,樣樣都好味。
- 點解唔見精選蒸鍋雜菜籃的相片,睇真就會發現我地將蔬菜同海鮮一齊蒸,有娃娃菜、矮瓜同埋脆肉瓜,份量十足。
- 小朋友無耐性食咁耐,我地會煮d烏冬俾佢地,加食頭幾款海鮮,之後就可以放佢地自己入房玩。
- 如果屋企有蒸鍋可以同店家講,唔要蒸鍋可以換一斤蜆。
- 因為太好食的關係,到今日為止我們已經食左三次(阿妹食左四次),已經搵到食蒸海鮮的最佳Table Setting,暫時最高紀錄是15人份,成個Logistic已駕輕就熟。
- 依家依個套餐已經加左價,詳情有興趣的自己上優鮮的Facebook睇
店家亦免費提供調味盒,加d豉油就得,真係超級方便。
食完海鮮,就用蒸鍋下面集滿海鮮精華的水用來煮店家提供的瑤柱粥底,不過原來煮的時候要不斷攪拌,依一次我地開大火無理佢結果好快就煲燶粥,但仍然好好味。
妹妹預備左大人版同小朋友版的Sangria
媽媽預備左她拿手的西瓜荔枝特飲
我就買左蛋糕同三位爸爸慶祝。
我哋已經變到非常熟手﹗
你冇講到恒仔既重要工作,如果冇佢睇住三隻馬騮,我哋三個都做唔到餐飲部~