游完水沖完涼，我就留在房間陪逸逸午睡，今次就輪到恆仔去酒店的Rarinjinda Spa按摩。話說在芭堤雅的時候，經常受到腰痛之苦的恆仔看到周街都係便宜按摩店變得蠢蠢欲動，但佢見到門口一大班女人，又好驚俾人溶左，我鼓勵佢都唔敢去，今次來到曼谷酒店，雖然貴好多，但確實讓他比較安心。
我一直鼓勵恆仔跟我一樣做兩個小時的泰式按摩，結果他選了一小時，嘥料。
今天是平安夜，我們近近地又去了CENTRAL WORLD食晚飯。
周圍都是美美的燈飾
本來想去CENTRAL WORLD頂樓的美食樓層選一間餐廳吃平安夜大餐，點知大部分啱食的餐廳（唔辣）都好多人，結果⋯⋯
我地去返上次來泰國也有光顧的SANTA FE
先點一客蒜茸包做頭盤
我食T-骨豬扒
恆仔食牛扒
也為逸逸點了一份兒童餐
加上我和恆仔的飲品，話晒都係平安夜鋸扒，埋單只是586 baht，實在太便宜了吧！
食完飯我們在商場多逛一下，發現這兒有一個美食廣場，除了很多泰國地道的街頭小食之外，還引進一些出名的店舖，可惜我們今次已沒有機會試吓。
返酒店之前，我們在酒店附近買了芒果糯米飯，可惜不論價錢和質素跟芭堤雅蓮姐真係無得比。
在酒店房間也看到精彩的燈光SHOW
逸逸係寛趟的大廳睇音樂VIDEO，載歌載舞
這就是我們一家三口2019年的平安夜。