樂高認證專門店(LEGO Certified Store)終於在今年4月29日於屯門市廣場開慕喇!因為疫情的關係,為了盡量避開人羣,我們過了五一長假期先至去朝聖一下。
最吸睛的當然就是放係門口正中間的3D Lego街頭小食亭。
燒賣魚蛋煎釀三寶砵仔糕雞蛋仔格仔餅仲有炸大腸,絕對港式口味。
亦都不要錯過最富有屯門特色以輕鐵為主題的馬賽克畫牆,好靚。
唔知係咪因為疫情關係,唔見其他樂高認證專門店都有的Play Table,於是小朋友都聚在一起玩小零件。
仲有依個都非常有趣,只要將整盒模型放在鏡頭前面,就可以看到成品的樣子。
影相位當然只係頭幾次去才覺有趣,但本身Lego自己的產品才是最大的魅力,所以Lego屯門店已經成為逸逸繼長頸鹿(玩具反斗城)之外另一個每次去屯門市廣場都想逛下的地方。