大約5:30pm，我們就來到今次在曼谷入住的酒店 – 上次都住過的Grande Centre Point Ratchadamri。
Grande Centre Point Ratchadamri的其中一個優點是房間大，今次酒店仲要Upgrade左我地住套房，特別是個客廳，真係大得誇張。另外，因為廳同房都可以通去洗手間，同逸逸玩捉迷藏超攪笑。
仲有個泳池景都非常吸引。
Settle down之後，我就拋夫棄女立即跑落去酒店的Rarinjinda Spa做泰式按摩，兩個小時的療程，要6pm前開始先可以趕及8pm返去一齊出去食晚飯。
上次來泰國也是光顧Rarinjinda Spa做泰式按摩，印象極佳，今次繼續享用2小時的Classical Thai Massage。雖然房內有兩張床，但其實只有我一個人使用這個房間。
換上絲質的衣服就開始按摩了，泰式按摩依然非常舒服，不過如果說上次的按摩師是高手之中的高手，今次這個只算是一般高手，但已比香港一般的技術高超了。
按完摩再享用暖烘烘的薑茶和美味的芒果糯米飯，這兩小時Me Time實在太美妙了。
我按摩期間，原來恆仔帶了逸逸去附近的便利店逛一下和買飲品。
又去左酒店的Playroom玩，好充實喎！
如果唔係上次住過依間酒店，已經熟悉周圍的環境，在初黎報到的第一晚，恆仔都唔敢一個人帶住逸逸周圍去，㨂返入住依間酒店真係好正確。
我地出發去食晚飯了，目的地當然是附近的的Central World。
我們選了光顧新加坡的餐廳三巡小廚。
點了一份二人餐，主菜的大拼盤有海南雞+燒雞+炸雞扒，另有配菜蠔油小白菜、蠔油鹵豆腐和鹵雞蛋，仲有湯同埋油飯，整體都好味道，而且價錢很便宜，只是395Baht。
另外點了泰式奶茶同菊花茶做飲品，最大問題都係太甜。
商場正好搞緊Lego展銷，逸逸都入去玩左一陣。
返酒店前再去Mango Tango食返個馳名芒果糯米飯，價錢係芭堤雅蓮姐的一倍，而且質素真係好一般，好彩按摩時食咗個唔錯的芒果糯米飯⋯⋯
返到酒店，沖完涼仲洗埋衫，逸逸都有幫手，仲成日記住「爸爸放錯左洗衣粉的位置」，哈哈。