今年生日，無得出國旅行，無得去餐廳食大餐，所以決定親親大自然，去感覺比較夢幻的迪欣湖野餐。
雖然這天只是一個要上班的平日，我們來到的時候車位已經泊滿，還有一架車在排隊，於是我就建議不如泊去酒店的停車場再搭接駁巴士過來吧！
原來疫情期間，三間迪士尼酒店之中，只有香港迪士尼酒店的停車場仍然開放，泊好車一場來到當然要逛逛酒店的Disney Store。
結果我在Disney Store揀了我的生日禮物，恆仔又俾逸逸揀了一份禮物，我話點解你唔係生日都有禮物，於是有一段時間逸逸成日講：點解唔係我生日都有禮物既？
其實去到迪士尼酒店泊好車已經後悔，因為其實要去迪欣湖要轉兩程車，於是買完禮物我地又駕車返回迪欣湖停車場，依個時候等候的車龍可能有10架，最後我地等左一個鐘先有位泊車，好彩剛才買左禮物，感覺無咁寃枉。
迪欣湖入面都好多人，要揀一個附近無人可以保持社交距離、又有得遮蔭、又有平地俾逸逸跑下都唔容易，最後都要行到好入下。
野餐的食物亦好簡單，只係麵包店買的三文治、自製菠蘿腸、曲奇以及薯片。
個View真係好靚，坐係草地食嘢好舒服。
食完嘢，逸逸就拉住我跑上跑落玩救人
又玩追泡泡
疫情之前，通常去到依d場合，好快就會同附近唔識的小朋友玩埋一齊。疫情之下，大家都要保持社交距離，自己唔怕都要考慮對方的感受，今次就見到有個小朋友拖住爸爸猛咁望住我哋好耐，一睇就知想同逸逸一齊玩，無奈⋯⋯
我同恆仔都係度講，香港人本身已經夠冷漠，因為依個疫情，情況變得越來越嚴重。
迪欣湖泊車費實在太貴，玩左差不多兩個鐘，睇住時間食埋支雪條就返屋企了。
這樣來一個簡單的Birthday Outing，曬曬太陽，呼吸一下新鮮空氣，真好。