回到酒店，我們立即換泳衣落泳池玩Lu。
今日恆仔話有少少唔舒服唔落水，坐係岸邊睇我地兩母女玩。除了繼續一邊潑水一邊大唱 I Love You Summer之外，逸逸仲不停話叫我好似昨日咁Sir個三條高少少快少少的滑水梯俾佢睇，我話今日爸爸無落水唔可留佢一個係水入面，於是我邀請左逸逸一齊去玩可以抱住佢一齊Sir的滑水梯。
結果我地Sir左N次，Sir到我無力為止⋯⋯
游完水返房沖涼，恆仔瞓左一覺，本來expect逸逸都㑹好好瞓一覺先食飯，點知點都瞓唔著，仲食晒中午買的提子方包。
恆仔瞓醒我地就出發去吃晚餐，今晚試下Hard Rock Hotel入面Stars Diner的碳烤BBQ Buffet。
碳烤BBQ Buffet食物選擇不算多，不過沙律、湯、海鮮、熱盤、甜品都有，較特別是有一個鐵板燒counter，可以自選食材由廚師即席烹調。老實說港人追捧的刺身、生蠔、長腳蟹全部都無，不過樣樣試下都已經好飽。
這個Buffet的主角其實是這些BBQ食物
好像以前曾經在香港盛極一時的巴西燒烤，有侍應拿著燒烤直接在餐桌前Serve，保證熱辣辣。燒烤食物樣樣都唔錯，特別惹味的是煙肉包住豬肉來燒，非常好味，其實每款肉試一件已經差不多飽。
海鮮雖然沒有特別肥美，不過味道都OK，最surprise是我拎完海鮮回來，侍應立即奉上一碗茶給我洗手。
非常足料的冬蔭公，正！
甜品真係唔多合口味，好彩仲有雪糕，而且仲要係炒雪糕，好得意。
逸逸落嚟食晚飯之前已經食包包食飽，所以淨係食左少少包、水果和雪糕，好彩依個buffet 12歲以下小童免費。
食完飯我地出海灘路散下步，第一晚坐車來的時候已經被這兒的燈光吸引住。
一家三口大合照
逸逸除左係午飯時候瞓過一陣之外，連游完水都無再瞓覺，這個時候的她其實處於極度抗奮的狀態，於是不停咁話要影相。
每棵樹都話要影相⋯⋯
結果搞左好耐先來到星星隧道
依度真係好靚，不過眼瞓的逸逸真係好難搞，乜嘢都唔順心，乜嘢都話唔好，於是大家一邊鬥爭一邊回程，以後唔瞓晏覺真係唔好去夜街，好不容易先返到酒店。
逸逸回到酒店就瞬間累倒，我留在酒店陪逸逸瞓覺，恆仔就再次出發幫我去買蓮姐芒果糯米飯，正呀。