近年鍾氏聚會都喜歡一人煮一個餸來個大食會，團年飯的菜單已經非常豐富，豬手、白切雞、海參花膠雞湯、蔬菜、筍、大蝦鮮果沙律、生炒糯米飯、醬燒豬仔骨、柱侯蘿蔔炆牛腩、日式咖哩豬頸肉、梅菜扣肉、粟米斑塊，而且似乎個個廚藝都有返咁上下，每一樣食物都好美味。
結果團年飯當晚討論到年初一團拜的食物，唔知點解竟然會有自製盆菜依個念頭，結果又係一個家庭負責一樣食物，最令我苦惱的是對於炮製這些傳統食物真係無乜經驗，幸好媽媽幫我出主意，負責開罐頭就搞掂的螺片，不過買罐頭螺片的時候我都有精挑細選架。
盆菜的食物又係非常豐富： 冬菇蠔豉、炆鮑魚、魚肚、蘿蔔豬皮魚旦、鹽焗雞、叉燒、炆豬腩肉、蝦、螺片，一層層放好再加熱，真係比係街買的盆菜好吃得多，除了材料都是一級棒之外，最重要的是一點也不鹹，食好多都得，真係好好味呀！