I LOVE U SUMMER之曼谷芭堤雅HOT HOT CHRISTMAS – DAY 3 – TERMINAL 21周遊列國‧CENTRAL MARINA小童廁所

逛過Teddy Bear Museum,我們步行至Terminal 21 Pattaya吃午餐。

途經看起來是新建的China Town

還有著名Tiffany’s Show的會場

說遠不遠,說近也不近,走了大約15分鐘,終於來到Terminal 21 Pattaya。

Terminal 21 Pattaya以機場為主題,外圍放左成架飛機係度夠晒誇張。

商場天橋設計成有如連接登機門至飛機艙門的登機橋,好有型。

商場入面每層都是以世界地區來命名,Ground Floor 叫巴黎,M Floor 是倫敦,再上1-4樓分別是意大利、東京、三藩市和荷李活,各樓層再配合著地區的特色或地標來設計,走一轉Terminal 21 Pattaya可以當自己去左環遊世界。

巴黎鐵塔

意大利比薩斜塔

三藩市漁人碼頭

倫敦警察

其實我們也只是匆匆走過各處,因為我們主力要找地方吃午餐,逸逸逛完Teddy Bear Museum其實已經累到極點。

想食的餐廳很多人,有位的餐廳不想吃或不適合小朋友,最後來到既有位又熟悉的YUM SAAP。

我點了檸檬蒸鱸魚配飯,都幾辣但好惹味;恆仔就點了Pad Thai,話無昨日海邊間餐廳咁好食。逸逸基本上是一坐下來就迅間倒下呼呼大睡,不過我們也為她點了肉碎湯麵,最後恆仔和我瓜分埋佢。

埋單的時候逸逸就瞓醒,決定去麵包店買麵包俾逸逸食。

點知間麵包店入面咁多靚靚麵包,逸逸都睇唔上眼。

最後揀左提子方包

重要食到津津有味,晚餐前自己一個KO晒成PACK。

唔想搭車,我們慢慢沿住大馬路散步回酒店。

途中,見到熟悉的那個穿短袖衫的聖誕老人,原來依個商場叫做Central Marina,跟Central Festival Pattaya Beach同一集團。

本來俾門口Nike Factory Outlet招牌吸引入嚟,結果搵唔到,結果兒童廁所成為依個商場最重要的回憶。兒童廁所入到去再分男女廁,平日逸逸在街上去親洗手間都會問依度有無小朋友廁所,也不時見到有小朋友堅持等候使用兒童廁所,所以小朋友一定非常喜歡。

去完小朋友廁所即刻心情大好,仲話要同聖誕樹影相添。

泰國經典麥當勞叔叔,上次黎泰國我地都有同佢影相

點解會黎麥當勞?咪就係俾個「Hello Kitty隨身餐盒」吸引住囉,299Baht有一個,加多30Baht仲有薯條加汽水,食埋個小小下午茶先返酒店。

Comments

comments

發表迴響

你的電子郵件位址並不會被公開。 必要欄位標記為 *