逸逸瞓醒覺,我地就出發去搵地方食午餐。
本來睇Google Map搵到間酒店向海方向出去再轉返入街的餐廳Jasmin’s Cafe,點知一出門口轉左就俾依間可以望住大海的Sea Terrace吸引住了。
餐廳沒有冷氣,不過吹住海風非常舒服,一點也沒有悶熱的感覺。
看著餐廳的格局,想起韓國綜藝節目《尹食堂》第一季位於印尼峇里島附近的德拉娜安島上面主持們假想敵的餐廳,看著製作飲品的吧枱又會想起李瑞鎮站在吧枱製作飲品的樣子,果然熱帶度假勝地的餐廳都是這個樣子。來到泰國,當然要食傳統泰菜。
來到泰國一定要食Pad Thai,都炒得幾香。
恆仔的菠蘿炒飯都好足料
上次黎泰國,因為逸逸唔鍾意泰式香料,樣樣泰式食物都唔啱逸逸的胃口令我很苦惱,今次發掘了這個有如港式菜遠炒河的泰式雞肉濕炒河粉,正呀!
唔多食餸的逸逸差唔多自己一個人食左大半碟超濶河粉
兩父女Share半橙汁
我就嘆返杯咖啡
依間餐廳以泰國的物價來說價錢唔平,不過有個沙灘view,食物都OK,最重要係近酒店,所以都食得滿意。
食完午飯我地去逛下商場,同埋搵下有無水泡賣。
點解近一間餐廳近酒店係賣點?因為芭堤雅的行人路好差,推住嬰兒車行得好辛苦。
沒想到行多兩步就見到有水泡賣,不過D水泡個樣好肉酸,直情唔想拎上身,於是轉為買設計比較平實的浮板。在泰國買嘢要講價我一早知,但係估唔到開價咁狼死,雖然成功殺價一半買左個浮板,但自己一點也沒有撿到便宜貨的喜悅,只是感覺價格尚算可以接受而已。
千辛萬苦行了幾個街口,我們來到Central Festival Pattaya Beach,聖誕節快到了,聖誕老人來到泰國都要換上短袖戰衣呢!
商場竟然有車仔借用,實在太吸引了吧﹗因為我們已帶了BB車,唯有盡量唔好俾逸逸發現。
中庭有一棵很高的聖誕樹
好有繪本Feel的鹿車
好bling bling的隧道,逸逸係依度跑黎跑去,異常的興奮,留連忘返。
我們還在旁邊的聖誕市集買了便宜的聖誕樹吊飾,因為早一晚看了Band Show逸逸迷上了打鼓,鼓鼓吊飾更成為了陪逸逸去街的新寵。
返回酒店的路上,飲左一個只賣40 baht的椰青,仲要又冰凍又多水,正呀!