福田美食BIRTHDAY TOUR – DAY 2 – CAFE ZEN自助早餐‧熱辣辣按摩池VS泳池游冬泳

二零一九年十二月十五日(星期日)

今天早上比較Free,約好左11:00am Check Out,可以自行安排時間吃早餐及享用一下酒店的設施。

我們大約9:00am落餐廳吃早餐,當時爸爸媽媽已經在座,妹妹一家就在我們吃到一半才到。

福田香格里拉酒店的早餐是我極力推介,沒想到今次的食物和半年前相比成個模式都唔同晒,當時我提過的菠蘿包、韓式拌飯以及即榨鮮果汁都無左,不過食物依舊有水準。

鮮果汁變左自助模式,選擇多左。

麵包蛋糕款式繼續多樣化

最amazing係好多揸麵包的牛油、果醬、煉奶、蜜糖⋯⋯

粥繼續都好好味,不過今次早餐的highlight是這款煙三文魚,好鮮味。

食完早餐約左大家10am去泳池層更衣室的按摩浴缸浸浴。因為逸逸落水玩,只要無太陽或者少少凍嘴唇就好易變紫又好快就打冷震,又加上夏天著開的兩件頭泳衣唔著尿片之後個pat pat唔夠大撐唔住,所以特地給她買新泳衣時多買了一件保暖泳衣,今次第一次著保暖泳衣,明明買的碼數建議身高是95cm-105cm,但逸逸竟然覺得太短唔舒服,無辦法喇,點都要著埋今次,想玩就要忍耐一下。

我和逸逸最準時到達按摩池,按摩池d水都幾熱下,我已經浸到熱血沸騰想走的時候媽媽和妹妹三母女先到,我地又多留一陣,詩詩落水都好ok,曉曉實在太怕熱,搞左好耐先至落到水,而且睇落都唔Enjoy,加上我已經熱到唔係幾頂得順,於是大家好快就離開按摩池了。

她們說要去參觀一下恆溫泳池,而且爸爸和Day原來已經係泳池游緊。本來我唔想同逸逸落水,一來她好怕凍好容易變紫,二來又無水泡,仲有恆仔無落嚟我要自己一個handle逸逸,不過阿Day話d水唔凍,逸逸又有好強烈的意願想游水,結果成就了逸逸第一次游冬泳。

出奇的是泳池的環境比夏天還暖和,上次我們來的時候,逸逸冷得未夠半個鐘就被迫要走,今次就完全無凍的徵狀,走的原因只係因為夠鐘check out。雖然話今次著左保暖泳衣,加上之前浸暖左個身,不過我都覺得今次室溫明顯暖過上次,都唔知點解夏天要開咁大冷氣。

泳池除左有泳帽提供之外,原來仲有浮板借用,逸逸揹左浮背浮板,再拿著普通浮板,在我陪同下游游游又似模似樣,不過始終唔同用開的水泡,一定要黐到實。學緊游水的曉曉就唔同,只要有浮板就可以係水入面自由自在了。

玩到時間差不多,我們就回房間洗澡和收拾行李,趕在正午12時Check out。

Comments

comments

發表迴響

你的電子郵件位址並不會被公開。 必要欄位標記為 *