I LOVE U SUMMER之曼谷芭堤雅HOT HOT CHRISTMAS – DAY 2 – 沙灘散步‧CRAZY POOL TIME

二零一九年十二月二十一日(星期六)

一覺醒來,大家都睡得有點晚,要趕落酒店餐廳吃早餐。

這次芭堤雅的早餐其實差點兒就要出外面吃,話說在我訂酒店的時間,明明早就決定要訂包早餐的選項,不知當時發生什麼事,竟然錯訂了純房間,而且還要不可退改。問過酒店早餐價錢是700Baht一位,但Agoda住三晚包早餐和純訂房的價錢只差HK$100,嗚⋯嗚⋯

沒想再事情的轉捩點在於Hard Rock Hotel Pattaya係收到訂單之後會send條link俾訂房人付款,而非像平日的安排由Agoda扣數,結果我沒有在限期內付款,由酒店方面取消了我的訂單,於是我就可以重新預訂包早餐的房間了。

早餐在STARZ DINER吃

食物款式感覺好像沒有檳城的Hard Rock Hotel咁多,不過唔緊要,這兒有即煮湯河粉,香料同調味全部自行添加,可以全部唔要淨清湯啱晒逸逸,我索性幫逸逸點淨河粉,方便企理。

食完早餐逸逸話眼瞓,我陪逸逸休息,恆仔出去採購,因為我們發現原來酒店沒有牙刷牙膏供應。後來我諗返起,2018年去泰國旅行的時候也留意過泰國酒店因為環保原故大都沒有提供牙膏牙刷這個資訊,但因為當時我們住的酒店有提供,所以已經忘記了這件事。

最後直到恆仔返到黎逸逸都係瞓唔著,拋一陣波波就出發去沙灘兜個圈。

其實酒店過條馬路就是Pattaya Beach,不過這兒的沙灘出名好一般,要搵水清沙幼的都是建議坐船去外島。當然也有不少遊客在這兒曬太陽和落海玩水,我們也看到很多人在玩各式各樣的水上活動。

逸逸一去到沙灘都立即想坐低玩沙,不過我們什麼也沒有帶,其實今早過來沙灘的原因是我們忘記幫逸逸帶水泡,所以想過來幫她買一個,點知我們只看到租沙灘椅的,也看到賣拖鞋短褲的,卻看不到賣水泡的,算喇,返酒店玩水先喇!

Hard Rock Hotel Pattaya的泳池都ok大,有基本的滑水梯和小朋友設施,也有水上籃球架可以射下籃,而且開放時問好長,由7am開到10pm,唯一遺憾的是沒有我很喜歡的lazy river。

每個小時泳池都有不同的活動例如水上aerobics 、爬橡皮艇等等,池邊又有攀石牆,一日有兩節時間可以有教練免費教小朋友玩,如果小朋友有返咁上下大,成日唔出去留係個泳池都唔會悶。

至於我們,因為逸逸的關係,基本上我們一直都留係按摩池的這一邊,完全沒有涉足舉辦不同活動的大池。

因為這兒的水深很適合沒有水泡的逸逸,基本上她可以自己走來走去。

這個泳池四周其實是人造沙灘,池底也舖滿了沙,模仿著沙灘的環境,逸逸成日叫我係水底執d沙俾佢。

出發之前恆仔download左嘉芙姐姐有關春夏秋冬四季系列的兒歌俾逸逸聽,其中《我愛炎夏》的歌詞是這樣的:

太陽伯伯在笑哈哈
大汗細汗總嘩啦啦
望望月曆 快放暑假
可否伴我一起度假?

吃完雪糕 再吃西瓜
爸爸罵我會肚痛吧
穿上泳衣 跳進水裡
泳池讓我舒暢一下

*I Love You, Summer
我愛這個炎夏 啦啦啦
I Love You, Summer
吃吃喝喝玩番下

而最後一段副歌,據說MV有潑水的畫面,平日係屋企聽歌時逸逸已經扮潑水,一落到水仲唔潑到癲晒?

而依首歌亦成為左我地今次依趟旅行的主題曲,落水唔落水都不停一邊唱一邊真潑水或扮潑水,超級High。

Hard Rock Hotel主要有三組滑水梯,第一組是小朋友的滑水梯,逸逸自己滑左一次就唔肯再玩;第二組是這個我抱住逸逸玩的滑水梯,比較慢同埋落地位比較淺水,我好有信心抱住逸逸落到黎都可以企得穩,不過逸逸玩左一次都話唔再玩喎。

第三組就係依三條高少少快少少的滑水梯,其實都係輕量級,每條都玩過,久違了的少少快感,彌補返上次上郵輪無玩到滑水梯的遺憾。

游完水沖埋涼,就到左逸逸瞓晏覺時間了。

Comments

comments

2 則迴響於《I LOVE U SUMMER之曼谷芭堤雅HOT HOT CHRISTMAS – DAY 2 – 沙灘散步‧CRAZY POOL TIME

  1. 細膽曉都唔太敢sir滑水梯,反而心口得個勇字既詩詩就大無畏(唔知大大下會唔會越來越細膽),舊年暑假去西北游泳池,得個一歲半都自己不停辛苦地爬上樓梯去sir個滑水梯,如果佢keep住大膽就有人可以陪我玩~曉呢?希望佢學識游水之後會肯?﹗不過都係存有疑問,因為係陸地上面,比較高既滑梯(例如海洋公園威威天地入面個遊樂場嗰三條)佢都係唔肯sir~(詩詩sir咗)

    • 逸逸第一日玩滑水梯只肯玩一次,第二日再去,抱住sir個條玩左N次,因為要上上落落,玩到我無力投降😅
      估唔到曉曉會驚海洋公園威威天地個三條滑梯,逸逸又係sir左N次。

Rita 發表迴響 取消回覆

你的電子郵件位址並不會被公開。 必要欄位標記為 *