來到芭堤雅的Hard Rock Hotel的時候已經8:00pm了。
上房放好行李,換返件短袖T恤短褲,就出發去食晚飯。
我們住在1/F,升降機大堂的設計是披頭四過馬路的經典畫面,因為燈光比較昏暗加上見到四個紅鬚綠眼的陌生人,逸逸起初每次經過都好驚要拖住,後來行多幾次先好D。
唔想再花時間出去搵嘢食,今晚就幫襯酒店的Hard Rock Cafe。
一入座職員就送咗個橙色氣球俾逸逸
仲有填色紙(其實也是Kids Menu)同埋四色蠟筆,逸逸非常開心。
我們點了兩杯飲品,分別是有酒精的SIGNATURE COCKTAIL: MAI TAI ONE ON及無酒精的芒果汁,有得飲酒我都好開心。
我們點了兩份主菜:
BBQ 煙肉芝士漢堡面薯條
以及TEX-MEX STYLE 的牛扒FAJITA配莎莎醬、芝士、牛油果醬、酸忌廉及墨西哥薄餅。
兩樣食物都好味道,特別係牛扒FAJITA,牛肉好嫩洋蔥好甜,同埋我超鍾意個牛油果醬,加埋清爽的蕃茄莎莎,用墨西哥薄餅包住食,感覺好豐富,食得好滿足。
不過逸逸可能因為在車上吃了粟米包,所以依餐只係食左好少嘢。
重點來了,原來晚上9:15pm開始有LIVE BAND演出,唱左好多唔同風格的英文歌,印象最深的其中一首是老餅歌Lemon Tree。
逸逸聽歌聽得超級興奮,仲非常投入,表演者在台上大叫搞氣氛,逸逸係會大叫「wow」咁和應的,原來依D係自然反應,唔駛學的,好搞笑。
睇下幾High! 今次是逸逸第一次睇LIVE BAND,看她的反應,睇嚟下次可以帶埋逸逸去睇五月天了。
後來睇返POSTER先後我們睇個隊BAND叫做NINETY NINE,他們來自印尼。另外,原來HARD ROCK CAFE 10pm後只招待20歲以上的成年人,不過我們9:45pm就離開了。
回到房間,逸逸急不及待的就開始填色,好辛苦先邀請到佢再次出動。
今次來芭堤雅,因為唔想搭車的關係,也沒有特別留意什麼人氣推介餐廳,喜歡芒果糯米飯的我唯獨SEARCH了芭堤雅哪兒有美味的芒果糯米飯,而搜尋榜第一位的蓮姐芒果糯米飯竟然就在酒店附近,當時已經決定第一晚到埗就要去買黎試試。
因為晚上下雨,對於再出去我也有點猶豫,不過晚飯後天氣開始好轉,恆仔知我鍾意又加幾錢肉緊鼓勵,我們終於在大約10:15pm再次出發。
經過便利店逸逸話要同HELLO KITTY影相。
終於來到蓮姐芒果糯米飯,一盒芒果糯米飯只賣80 baht,而且一盒芒果糯米飯入面有一個半芒果肉,真的很便宜。
返房之後立即品嚐,芒果好甜,但都唔及糯米飯驚喜,糯米飯煮得好軟熟好滑又不會太黏,而且一丁點硬的口感都沒有,加上個超提味的淋汁,我想講我未食過咁好食的糯米飯,如果再加埋脆米就PERFECT。
平日唔太鍾意食飯的逸逸搶住食糯米飯,結果仍然出現食芒果糯米飯常見的失衡問題,不過今次係食晒D飯先,你話好味得幾誇張。
見到逸逸拎住個橙色氣球,當年9m曉BB係檳城Hard Rock Cafe個樣即刻係腦海出晒嚟~
我記得上次我地食完走的時候好似差唔多開始表演。