夏之北海道 – DAY 11 – 多啦A夢SKY PARK‧公園區

今天一早就來到機場,目的地就是多啦A夢SKY PARK了。

好大個叮噹!我自少就好鍾意睇叮噹,家中儲齊晒成套叮噹漫畫。雖然叮噹已經正式改名為多啦A夢超過20年,我們這一輩基本上都仍然沿用叮噹這個名稱,不過自從逸逸開始睇叮噹卡通片之後,因為配音都是稱為多啦A夢,於是為了配合逸逸開始改口,不過逸逸聽我們說叮噹也知道我們在講多啦A夢。

買好票就入場了,場內沒有寄存行李的位置,我們唯有帶住行李一起參觀。

一入去首先就見到大雄間房,其實當初我就是被這間房吸引而來的。

野比家的平面圖,睇完先驚覺從來無諗過大雄爸爸媽媽間房係邊,依度話係睇電視間房,但係媽媽用梳妝枱的情節好難想像是在大雄睇電視的同一個地方,另外爸爸成日係睇電視間房飲醉然後係枱上面瞓著左,然後媽媽叫佢去瞓,感覺係叫佢返房瞓咁,原來飲醉的地方根本就係佢地間房,咁媽媽又唔駛瞓?未瞓之前又係邊同埋做緊乜嘢?硬係覺得有點兒奇怪。

一列櫥窗擺滿叮噹的法寶,逸逸都識唔少架。

依個係接叮噹遊戲

地板上會有發光的音符,踩了之後就會有音樂響起,逸逸係係投影舞台上跑跑跳跳得不亦樂乎。

逸逸跳舞時,我去左碌豆沙包俾叮噹食。

入場的時候職員派左張紙仔,叫我地11:30am去Greeting Area同叮噹Meet and Greet。

你睇,叮噹嚟喇!

話就話係一個Show,其實劇情好簡單,類似動物係書入面走左出來之類。

逸逸見到叮噹好似小FANS見到偶像一樣

明明去迪士尼好驚依D公仔,見到叮噹竟然用兩隻手攬住,證明真係好鍾意。

同叮噹影完相,返出去空地同埋大雄、靜宜、技安同埋阿福影返張相先。

如果電話亭

我用緊竹蜻蜓呀!

超級大叮噹

係天空畫畫,其實有得出貓,我先畫得出咁神似的靜宜,

逸逸的塗鴉快在天空展示俾大家睇

逸逸同技安咁Friend既?

坐上時光機,配合埋燈效真係好有型。

依有幾度隨意門,通去唔同的地方⋯⋯

變大縮小電筒

我係個袋度走出嚟,個袋好熟面口,但諗唔起係乜嘢法寶呢?

叮噹最驚既老鼠

點解係鏡入面見唔到逸逸既?

逸逸只係上樓梯者,大雄你駛唔駛咁驚呀?

係多啦A夢Sky Park要付費的公園區玩左一個鐘,影左好多相,又見到叮噹,我地三個多啦A夢/叮噹FANS係度玩得好開心呀!

Comments

comments

2 則迴響於《夏之北海道 – DAY 11 – 多啦A夢SKY PARK‧公園區

  1. 個手袋係可以拎遠處既物件架,即是如果出街唔記得帶銀包,可以伸入去拎遠在屋企既銀包~

Rita 發表迴響 取消回覆

你的電子郵件位址並不會被公開。 必要欄位標記為 *