奧森兒童博物館是日票，入場之後戴住手環可以無限次進出，所以我們去外面吃午飯。午飯地點很明確，就是STAYREAL CAFE的新店，所以一離開奧森兒童博物館就跳上的士，STAYREAL CAFE GO GO GO！
STAYREAL CAFE在今年8月搬家了，自2012年起我已經光顧過舊店4次，知道搬了新店面，當然要來朝聖一下。
繼出發當日我們在機場同Choco同桌之後，今日又有小鼠陪我們吃午餐。逸逸對於小鼠一點也不陌生，因為她認得我有一件小鼠扮企鵝的T恤。
好喜歡這句說話：Be Happy, not because everything is good. But because you can see the good in everything.
STAYREAL CAFE有新菜單啊！
除了我例牌的LATTE之外
今次多了能飽肚的熱食，所以才可以安排來這兒吃午餐。STAYREAL CAFE與和嘉義名店「小有名堂」攜手合作，推出各種口味的特製豆乳麵，包括有原味豆乳麵、川辣豆乳麵與擔擔麵，為了遷就不吃辣的逸逸，所以我們只能夠點了兩碗原味豆乳麵。出奇的香濃的豆乳湯底，配著滷豆皮、筍乾、芽菜等配菜，好好味喎。不過對於食肉獸恆仔來說，麵入面還要有他不喜歡的筍乾，應該是麻麻地。
來STAYREAL怎可以錯過我最愛的香蕉朱古力鬆餅？這兒的鬆餅可以和韓國BEANSBINS的鬆餅叮噹馬頭，兩間都非常好味道。
其實STAYREAL新店開發了新甜品泡泡鬆餅系列，其實就是雞蛋仔包配料和雪糕，不過一來已經不太吃得下，二來最近在迪士尼樂園吃過同款甜品感覺很一般（其實可能STAYREAL CAFE整得好好食），最終都無食到。
逸逸其實係奧森兒童博物館已經玩到無晒電，本來以為黎到會先睡覺，睡醒再吃東西。唔知係咪因為見到小鼠太興奮，竟然唔肯瞓話食埋嘢先，好喇，以咁眼瞓的狀態，只要肯食，就算食到亂晒籠都唔緊要喇。
因為食物基本上同時間上桌，所以逸逸是先食一小碗麵⋯
再食一件鬆餅⋯
之後再食一小碗麵，再食一件鬆餅。食到亂籠都要有堅持，就係唔食麵就無得食鬆餅，其實逸逸都鍾意食d麵，只係更加鍾意食鬆餅，一心只諗住逸逸食兩小碗麵的我當然就好快食晒剩下來的麵，而剛剛食完鬆餅，諗住要再食麵先有鬆餅食的逸逸見到無晒麵好SHOCK，直至我話佢可以繼續食鬆餅即刻好似無事發生過咁。
食飽飽逸逸都未願瞓覺，話要影下相先。
我都要影
古靈精怪
好喇，再唔瞓覺就唔夠時間再返奧森兒童博物館玩架喇。結果我地轉左個梳化位，逸逸在STAYREAL CAFE小睡了一個鐘，我可以慢慢嘆埋我杯LATTE。
小鼠拜拜，It’s cool to see you!
我冇你咁目標明確，上次去奧森兒童博物館，附近冇乜嘢食，食咗碗唔太好味既牛肉刀削麵，仲要坐得好唔舒服既街邊檔，之後再係博物館斜對角既Starbucks抱曉瞓覺，你哋索性去喜歡既店，可以食得美味，又瞓得舒服~下次要參考下~
因為旅行日子短，又好多嘢想食想做，依個係最適合去STAYREAL CAFE的時間，加上台灣坐的士好便宜，無理由唔去㗎嘛。