自從逸逸開始上學之後，去旅行的日子沒有以往自由，所以開學的時候我就已經鎖定校曆表上面一個重要日子：教師發展日，造就一個LONG WEEKEND，成為我們去旅行的最佳時機。
今年逸逸開始返上午班，可以星期四放學之後就出發，四日三夜。起初以為可以下午出發地點選擇比較多，有野心的我睇過福岡(麵包超人博物館)同埋沖繩，出發的時間都不合適，退而求其次睇下台灣的其他地點例如高雄、台中、台南等，好像也不合適，最後還是決定去最簡單的台北。
買了台北機票之後，其實也想過走遠一點去宜蘭，但近排工作實在太忙，根本沒有時間去打點交通的安排，上次逸逸在北海道陪過我浸溫泉之後，成日都話想再同我一齊浸溫泉，不如簡單一點去北投住一晚溫泉酒店，也算是一個小出走，其他時間就在台北市區輕輕鬆鬆的活動，我們就這樣定下了今次的行程了。
還有一件事，今次旅程最大的挑戰就是今次是逸逸戒片後的第一個旅行，逸逸戒片的進度其實唔係幾好，仲係未肯主動話要去廁所，暫時仲係靠大人睇住鐘計住時間提佢去廁所，而且提佢去都可能會發脾氣唔肯去，我甚至諗過好唔好依幾日著返學習褲當安全網，不過恆仔話唔想返轉頭，所以今次要帶備大量替換衫同埋買定一叠獎勵用大貼紙，今次真係大家都有d壓力架！