我3歲了﹗
今日都係要返學的日子，爸爸媽媽預備左生日蛋糕俾我帶返學同同學仔分享，我同陳老師講個蛋糕係我自己揀架﹗陳老師問我放左學爸爸媽媽同我去邊度慶祝，我答佢一陣你就知，陳老師好驚訝我的答案，仲係放學時同爸爸媽媽確認，咁媽媽今朝返學之前真係咁同我講架嘛~
——————————————————————————————————-
同場加映：
對於爸爸媽媽平日經常飲的啡啡(咖啡)、茶茶(凍檸茶)以及可樂，逸逸都好想試下，成日都話大個要同媽媽一齊飲啡啡，又話要同爸爸一齊飲茶茶同埋可樂。係上次去澳門的時候食過一次咖啡味雪糕之後，逸逸對於同媽媽一齊飲咖啡已經無晒興趣，但仍然對於茶茶以及可樂滿有期望，爸爸應承逸逸到她三歲的時候讓她試下。
踏入三歲的一天，爸爸媽媽讓逸逸試了她人生的第一口可樂，她說可樂是辣的，可能因為那些氣泡刺激到她的舌頭，那種不適的感覺跟吃到辣的時候有點相似吧﹗
表姐都唔鍾意可樂呀～
暐姨姨其實都好大個先識得欣賞可樂～
我都係，而且到依家其實我除左打邊爐、燒野食又或者超級熱之外，都麻麻地鍾意飲可樂。