三日兩夜澳門遊 – DAY 3 – 禮記雪糕‧盛記白粥‧可樂博物館‧金馬輪豬扒包

瞓左覺的逸逸,一將她放到BB車上就醒了,既然這樣,就開始我們的飲食行程吧!

好漂亮的立體標示

第一站係再去禮記雪糕,今次逸逸終於真係要食雪糕三文治了。恆仔食芒果雪糕,我就繼續香芋雪糕。

唔係一次TRIP食兩次雪糕三文治的話應該都唔會發現,原來禮記的雪糕三文治雪糕口味是BY RANDOM的。恆仔第一天吃的是椰子、士多啤梨和蜜瓜口味;今次逸逸的是雲尼拿、花生和咖啡口味。平日成日話大個要陪我飲啡啡的逸逸,原來不喜歡咖啡口味的雪糕,看來她還是陪恆仔飲凍檸茶算了。

昨晚上GPS搵去邊度食晚餐時有兩大發現,第一就是原來由皇都酒店行路去議事亭前地只要大約十分鐘路程,以前傻更更的我們因爲在酒店看到新葡京就先走向新葡京,再沿新馬路行過去反而繞了遠路;第二就是原來在議事亭前地附近重開了以前恆仔大愛的盛記白粥。

所以,今天飲飲食食的下一站就是走路去議事亭前地附近食盛記白粥做午餐。

好有特色的行人路

還有充滿葡國風情的建築物,今天沒有早兩天那麼悶熱,雖然烈日當空,走在路上也不算太辛苦。

來到盛記白粥的新店,其實只是舊店再走上一點。

我們點了皮蛋瘦肉粥、腸粉、炸兩、燒賣同埋鹹肉糉,除了鹹肉糉之外樣樣都好味,鹹肉糉出左咩問題?就是恆仔慣了食糉要落糖,於是將枱面的白色粉末灑在鹹肉糉上面,點知原來白色粉末是用來為白粥調味的幼鹽……

來到盛記白粥,不可不吃這兒的芒果豆腐花。

我地點了三碗,一人一碗唔駛爭,好唔道。

食完野就出發去今日唯一的景點,位於關前正街的可口可樂博物館。

博物館正門有大的枝裝可樂

說是博物館,其實同時也是可樂精品店。

不過係依個由可樂玻璃樽砌成的牆真係幾有型。

其實可口可樂博物館有趣的東西不多,不過反而讓我發掘到原來這條關前正街以及旁邊的關前後街發現了不少可愛壁畫,也開了不少特色店舖。

而我就被這家文藝門的咖啡香吸引了進去。

根據網頁的介紹,文藝門等於文學、文化、藝術、澳門種種元素的融匯,讓這裏充滿文藝氣息之餘又不失歷史韻味。。文藝門樓高四層,原本是一家名叫<<榮記>>的白鐵工廠,地下為咖啡店BEETLES COFFEE ROASTERS,一樓是售賣文創產品、二樓和三樓則是工作室。

我們坐在一樓的休憩空間,這兒的一椅一桌既可以坐下來休息,喜歡的也可以將它們買回家。

我點了在香港主流咖啡店很少供應的PICCOLO,自從在樂啡認識了PICCOLO之後就愛上了它的滋味。另外又為恆仔和逸逸點了凍朱古力,也濃郁美味。

文藝門的對面舖頭牆上畫了2017年颱風天鴿以及2018年颱風山竹的受災情況,這兒其實還是一條斜路屬於相對上坡的位置,真是想像不到水浸的情況如斯嚴重,對這兒的影響真的很大。

恆仔由昨日已說想食豬扒包,見到這家金馬輪咖啡餅店有少少人龍,就決定過去望下。明明門口堆了人,但入去店員又能給我們安排座位,可能很多人是在買外賣。我們點了豬扒包和木糠布甸,豬扒包是用烘熱了的軟豬仔包,加上又厚又嫰滑的豬扒,整體來說很有水準,至於木糠布甸就普普通通喇。

食完豬扒包其實都只係3:00PM,我地買左5:20PM,其實仲有大把時間,𣎴過見逸逸無乜點瞓晏覺其實已經很累,加上可能原本來香港的內地人去晒澳門,成個澳門街頭多人到極點,我地決定早d返酒店拎行李出碼頭。

去到碼頭,本來只係因為等船先係麥當勞坐低飲d野,同埋想逸逸瞓下覺。恆仔叫完飲品逸逸竟然話想食雞雞,恆仔再出去買完麥樂雞返黎,逸逸邊食麥樂雞邊說:「點解薯條仲未送嚟」,食麥當勞果要食套餐,而且份量很準確,逸逸總共食左4件雞,即開心樂園餐的份量。

上船喇,逸逸話我地要坐麥坤船。

逸逸成程船竟然都唔瞓,仲要玩夾夾,返到香港一上車就呼呼大睡了,平日醒瞓的她瞓到返屋企我將她放梳化都無醒呢!

Comments

comments

發表迴響

你的電子郵件位址並不會被公開。 必要欄位標記為 *