朋友的餐廳自從由中環搬左去上環之後，一直好想去新舖支持一下，但對於居住於大西北的我來說，上環真是一個非常遙遠的地方。
趁住工作關係連續一個星期要去金鐘，第一天午飯時間餐廳滿座的關係，自己悄悄的去了旁邊的店吃水餃河，第二天再來，終於可以入去同老板娘Dorothy打個招呼同埋食個Lunch。
好耐無食過Egg Benedict，點了牛油果班尼蛋配意大利風乾火腿，好好食，特別欣賞個荷蘭醬唔會漏，Chef Tom出品果然有保證。
湯都好好飲
印象最深刻是杯咖啡，舊舖時我已經覺得La Casa食物樣樣都真材實料好味道，唯獨杯咖啡麻麻地。今次杯咖啡明顯好飲左好多，一問之下先知原來最近Chef Tom鑽研緊咖啡，唔怪知得喇。
PS 好掛住千層蟹肉牛油果蕃茄沙律同埋Four Cheese Pizza