二零一九年六月八日(星期六)
本來昨晚大家約好10am泳池集合，但難得的假期娛果逸逸能睡的話也不願早起，所以一早已跟大家說會晚點到。當我check了麗都自助餐廳的早餐供應時間雖然看起來是至10am，但10am-11am也有餐飲供應之後，我就決定要睡到自然醒。
難得逸逸沒有像平時一樣8:00am就自動彈起來，洗漱之後出門之時已經9:45am了。
我們選了窗邊的座椅，可以一邊看海一邊悠閒的享用早餐，看起來很寫意。
但世事沒有這麼完美，因為負責出去拎食物的恆仔給逸逸拿了麵包回來後，就叫我趕緊拿食物，因為職員跟他說早餐只供應到10am，提醒他趕緊拿食物⋯不是10am-11am也有供應餐點的嗎？
反正食物的款式不多，連想吃一隻煎荷包蛋也要等，因為一端出來就被搶購一空，等會兒又要游水，隨便吃一點就算了。後來聽早來吃早餐的爸爸媽媽說食物選擇很豐富，婆婆還要盛讚糯米雞好味道（我們連糯米雞的影也見不到），所以相信本來應該不差，只是沒有充分的補充食物，才讓我們遇到如此寒酸的情況。
準時集合的大家先玩囉！
我們食完早餐，回房間換好泳衣，恆仔還要幫逸逸吹水泡，我先帶逸逸到泳池，來到的時候才10:30am。
甲板中央的泳池也蠻大，但真的夠深可以游泳的範圍很細，而且因爲水太深大家都扶著深水區邊邊的位置，至於其他位置則只有腳眼水深，逸逸都可以自由走動。
睇下逸逸玩得幾開心！
嘆記
之後我地同埋妹妹一家去左兒童池，逸逸除左同曉曉詩詩玩之外，仲主動撩其他小朋友玩，番左學果然大個女左。
不過人真係實在太多，特別是一些年紀太大的小朋友玩得很瘋狂，所以經常要金精火眼咁睇住逸逸，唔係無端端俾人踢左腳都唔知咩事。
其實兒童池旁邊就是兒童嬉水區，聽妹妹說曉曉之前被突然由上面倒下來的水嚇親，而且那兒人迫人，帶逸逸過去諗都唔敢諗。
反而諗過抱住逸逸玩輕量級滑水梯，但係曉曉唔肯去，逸逸睇落係兒童池玩水已經好滿足就打消了這個念頭。
婆婆同大姨就話唔落水，點解唔見爸爸同成日話要同小朋友玩水的菊姨？原來菊姨去玩繩網，爸爸陪左菊姨去，依張相就是他們上去繩網時爸爸幫我們影的相片。
其實我都特地帶左波鞋來就是想玩繩網，仲有其他刺激的滑水梯都好想試試，可惜我放不下快捨不得放下我的黏黏baby。
之後我地玩多陣按摩池，又落超深水泳池玩多陣就走了。今次終於唔係因為逸逸嘴唇變紫而離開，而是已經玩左一個多小時，大家都快要被曬燶了。
約好了1pm星夢餐廳外面集合一齊吃午餐，我們就回房間洗澡了。本來想讓逸逸小睡一下再吃飯，她又心野睡不著覺，看著時間差不多就出發去吃午餐了。
今期世界夢號的主題是海上日本祭，周圍都是這些魚魚擺設。
我們來到8/F星夢餐廳上層入口的時候，妹妹一家已到，婆婆大姨菊姨就未到。妹妹說問了職員現在登記要2pm才可入座。起初本來諗住等大家到齊才商量怎樣安排，後來都係決定排隊，職員卻告知已full，如果想試星夢餐廳今晚可以早點來⋯
三個小朋友係度睇乜嘢？睇下食乜好？
看著這個餐廳人流監測表，就覺得點解食餐飯都咁艱難，依一樣嘢，係Legend of the Seas係從來沒有發生過。
反正婆婆他們未到，妹妹周圍探聽一下其他餐廳的情況，後來發現了星夢餐廳（下層）有位，但是不是吃小菜套餐，而是自助餐。這個時候最緊要有飯食，邊度都好喇！
我們一行十二人，職員為我們安排了一張八人枱一張四人枱，最後我地坐得親密d迫埋一張八人枱一齊坐，亦成為左唯一一餐可以坐埋同一張枱食飯。
雖然同是自助餐，但感覺是比較亞洲風味，幾款主菜都是辣辣的，特別是韓式牛肉、泰式青口同埋川味魚，配飯食真係幾好味，另外湯品的肉骨茶也不錯。
至於唔辣的選擇有自製漢堡和熱狗配薯條，也有Pizza同埋即煮米粉，甜品仲有腐竹湯水添，依一餐都算是依個cruise trip最滿意的一餐。
食完飯逸逸已經眼瞓到極點，我們立即返房打算讓她午睡，點知⋯
我地張sea pass竟然開唔到門！搵到剛剛經過的房務部職員求救，職員張咭都唔得，話要call保安部過來。
結果我們在走廊等了又等
等了又等
最後職員開左旁的間無人住的套房讓我們在入面等。
直至2:40pm我們才可以回到自己的房間開始逸逸的午睡時間。