嘆甜品 Posted on 2019-07-03 由 Catherine 本來一心想接完逸逸放學之後,去食4:00pm開門營業的班戟館,點知4:15pm接完放學過到去都未開門,因為應承左逸逸食甜品,於是在附近隨便入左一間甜品店,就是今次介紹的嘆甜品。 我們點了一份窩夫,等得都耐耐地,最擔心是剛放學的逸逸因為太累而無耐性情緒變壞。 窩夫一上枱就突然明白左,除左窩夫裝飾得好靚之外,仲畫左隻好靚的貓貓公仔,偷偷望下隔離枱份窩夫,係唔同款的貓貓,好厲害! P.S. 後來我們再去了一次嘆甜品,窩夫不用等很久就上桌,看來第一次要等很久是有其他原因的。 Comments comments