高鐵兜路深圳遊 – DAY 2 – 超正自助早餐‧星河COCO PARK‧陳鵬鵬鵝肉‧動感號回航

二零一九年五月十九日(星期日)

早上起床,梳洗過後的第一個節目就是吃早餐。

酒店的自助早餐設於cafe zen,我對於香格里拉酒店的早餐也滿有期待。

果然酒店的早餐擁有超班的質素,不單止食物款式選擇多,每款食物的質素也非常好,其中最有驚喜的是麵包竟然有菠蘿包,水果竟然有桃駁梨、紅色火龍果以及超大粒提子,我食左超多水果;恆仔大讚個粥好滑,油炸鬼卜卜脆,原來平日常吃的食物可以有如此水準。

不過最嚇人的是竟然有韓式拌飯,有無咁誇張?不過因為已經食得太飽所以無試。

飲品是鮮榨果汁

咖啡是自行落capsule,我大鄉里唔識用要職員幫忙,咖啡機旁邊還預備了紙杯,方便外帶。

食完早餐本來諗過游多次水,不過因為早餐食得太飽所以放棄左,結果為了滿足逸逸玩水的意欲,我們離開前讓她再次浸浴,一樣咁開心。

我地留到正午12時才check out,一夜之間,大堂的花藝已轉了端午節為主題了。

出發喇,我們又走去連城新天地地下街,逸逸又要同地鐵寶寶影相。

又要扮踢足球影相,小朋友真的很喜歡有規律的活動。

不過今次我們向另外一個方向:購物中心站的星河coco Park 。

星河coco Park 正好有兒童畫展,小朋友的畫好靚。

中庭正在舉行潮人吃貨節,個影相位幾靚,不過攤位有d冷清,重點是熱到爆!

一個商場竟然設有如此規模的繩網陣,太誇張了吧!

戲院有好多backdrop可以影相,我當然選擇五月天人生無限公司Life嗽。

商場的食店好多,但唔知食乜好,最後選了要等位的陳鵬鵬鵝肉飯店,順便在等位時先讓逸逸小睡一下。

好像等位也等了差不多半小時,終於可以入座了。

店家提供的清水除了加青檸之外,仲加了青瓜和芫茜,好fresh,沒有平日的洗潔精味。

因為逸逸仲瞓緊,我地叫住兩人份的食物:

鹵味溏心蛋—有少少鹹,但送飯就好味道。

鹵豆腐—吸收左白鹵水湯汁,吃起來感覺很豐富。

金獎鹵水鵝肉—超滑,未食過咁滑的鹵水鵝,恆仔猛咁話究竟我地平日食緊乜嘢?

其實店家有賣鵝的各個部分,除了鵝肉之外,其實還有鵝翼、鵝掌、鵝脾、鵝頭、鵝頸、鵝肝、鵝珍、鵝腸、鵝心、鵝紅、鵝蛋⋯⋯我很想試試鵝脾會有幾滋味。

超級米飯—叫得超級米飯當然不簡單,飯是用的是曾經作為貢米的石板米來煮,飯好香,再澆上滷水汁超級好吃!

逸逸睡醒之後,我們為她點了一客兒童餐:無骨金獎鵝肉飯,一向喜歡吃鵝的逸逸當然食到停唔到口喇。

食完飯本來想飲埋喜茶先番酒店,點知大排長龍,明明飯前都沒有很多人~每次經過不是吃得太飽就是預備吃飯,難得今次沒有飽到上心口又沒時間排隊,看來我真的和喜茶沒有什麼緣份。

時間其實已經有點晚,我們匆匆趕回酒店取行李,再直接搭的士去深圳北站,之前搭地鐵沒有什麼距離感,搭的士才發現原來距離福田都頗遠。

排隊入站要check証件,我們特地排人工檢查隊伍,以免因不熟悉機器運作而耽誤行程。順利進入候車大堂,明明看到我們坐的車次顯示正在檢票,但卻看到一班人堆在閘口前,我們起初傻傻的排在後面,越等越唔對路,瞄一下等候人士手上的車票點解係去廣州?原來他們是下一班車的乘客,於是我們立即走上前入閘。

上車了!車廂的感覺跟去程不一樣,看著車廂內各式各樣的標誌,都有一種熟悉的感覺,上網對照一下圖片,我們果然是搭乘了港鐵動感號。

高鐵之旅以成功坐到動感號完美結束。

Comments

comments

4 則迴響於《高鐵兜路深圳遊 – DAY 2 – 超正自助早餐‧星河COCO PARK‧陳鵬鵬鵝肉‧動感號回航

wuchihung 發表迴響 取消回覆

你的電子郵件位址並不會被公開。 必要欄位標記為 *