逸逸作為晶晶國際幼兒園N班的學生,適逢慶祝晶晶50週年金禧校慶,學校舉辦了一系列慶祝活動,其中最大規模又最有趣的就是晶晶50週年金禧校慶嘉年華。
起初我們以為就是金邦校的活動,但看規模又唔多似,因為現場有很多其他分校的老師,場內又有其他分校的介紹同埋其他分校學生借出的展品,雖然未經証實,也不排除是全個晶晶的慶祝活動。
每個學生獲派發一張遊戲券,之後就可以跟住指定路線去玩了。
入口在校務處,逸逸係一月份的本月乖孩子,原來校務處有張貼出來,唔係今次參加嘉年華都唔知。
歡迎進入時光隧道,帶領大家返去50年前的香港。
好有歷史的展品
這些晶晶幼稚園的校簿同埋相片都是由學生家長提供,即表示爸爸媽媽讀晶晶,孩子也讀晶晶。
學校早些時候邀請學生家長提供有歷史的物件或相片供展覽,我也出賣了自己兒時的照片,展示了80年代的家居以及遊樂場設施。
老師好有心思咁做左好多唔同年代的兒時最愛排行榜
除了展示兒時懷舊零食,還有懷舊小吃嘗試,有太空糖、嘉應子、飛機欖同埋陳皮妹,逸逸淨係接受到太空糖。
恆仔依家仲鍾意的四驅車也是懷舊玩具。
除左睇展覽,仲可以玩遊戲。
這個可愛的PIZZA店,重點是後面的PIZZA都是學生上堂時的作品,很好。
每個學生獲派一杯仔爆谷小吃
仲有自己裝飾CUP CAKE,我們在這兒逗留了很久,除了裝飾完之後立即享用之外,依個班房播放住音樂,逸逸忍不住聞歌起舞,變身CRAZY BABY。
正值農歷新年前夕,走廊擺放了充滿新年特色的舞獅頭以及大鼓供拍照,逸逸唔肯舞獅,但打鼓就好起勁,仲同佢兩個同學仔CHLOE同埋希妍一齊玩添!
幾有姿勢
下一站係做手功,分別是陀螺以及東南西北。
外面仲有攤位遊戲,逸逸完全唔跟規矩。
貼豬鼻又唔敢矇眼,只好用我的手遮住。
我們一家三口都度過了盡興的一天。