二零一八年九月二十四日(星期一)
來到旅行的最後一天，因為中午航班的關係，食完早餐之後恆仔返房執行李，我就帶逸逸去PLAYROOM作最後衝刺。
逸逸見到無小朋友一齊玩其實有少少失望，她一直記住第一次來和她一起玩搖搖搖的姐姐。
玩下超級大熊熊
仲有最鍾意的滑梯
我地由酒店直接坐的士去機場。
車程非常順𣈱，我們以比抵達曼谷當日乘的士去酒店便宜很多的價錢，比預計時間更早的抵達機場。
機場是時尚的設計，但也不忘展示一下泰國的特色。
繼上次逸逸學麥當勞叔叔雙手合十之後，今次又學M&M，好可愛。
因為逸逸無飛機餐食，同埋送得餐來也有點晏，所以我地買定包俾逸逸食住先。
好彩買左包食，飛機有少少DELAY，有個男人鬧地勤點解飛機DELAY咁早要佢離開LOUNGE過來係度迫，我地帶住細路無位坐都未出聲⋯
逸逸坐飛機指定節目—睇米奇
食埋個正常的飛機餐，好快就番到香港，今次泰突然之曼谷HOLIDAY就圓滿結束了。
尾聲：
其實這是我們在曼谷機場買的芒果糯米飯，當晚就同家人分享作為手信，雖然價錢不便宜，但非常好吃，為什麼在曼谷街頭找不到這種質素的芒果糯米飯？
PS好掛住六年前SIAM站旁邊的阿婆芒果糯米飯。