深圳海岸城飲飲食食半日遊

二零一九年一月十二日(星期六)

爸爸媽媽聽我們講一個月去左兩次深圳海岸城,心郁郁又想去下久違了的海岸城,於是邀約我們兩家人同行,不過因為阿Day翌日要出差美國,很多預備功夫要做,所以最後只有楊氏一家奉陪。

我們約好10:30am在深圳灣口岸集合,過關後再一齊搭巴士去海岸城。係巴士上面有一個也是來自香港的女士不停在逗逸逸,又重覆問逸逸問題,煩到我們也有點受不了。

我們來到海岸城了,時間尚早,我們先周圍逛一下,入左香港都有分店的名創優品MINISO。

逸逸好鍾意個太陽眼鏡,最後買左俾佢。後來逸逸隻眼發炎,懷疑同試戴眼鏡有關,所以照顧小朋友真係樣樣都要特別小心。

隻隻公仔都攬下,都唔知玩得幾開心。

PEPPA PIG電影將於農曆新年檔期上映,所以場內有PEPPA PIG的宣傳BACKDROP可以影下相。

海岸城的食肆很多,我們選了雲海肴食雲南菜。

雲海肴的食物很有水準,汽鍋雞、炒土豆絲、山葯排骨鍋同埋烤魚都好味道,缺點是全部都辣,好彩佢有供應兒童餐。逸逸其實一入座就睡覺,到我們吃完了她才醒過來,她很喜歡兒童餐入面的西蘭花蘿蔔煮雞肉,仲食得又快又多添!

食完悠長的午餐,我地繼續逛下商場,同逸逸一齊當然要入去她很喜歡的長頸鹿(玩具反斗城)。

有依個磁石板幾好玩

機械人按掣會唱歌

海岸城的玩具反斗城人不多,兩婆孫甚至可以玩波波。

其實我們還逛了另外一家以棉做主題的店令我特別深印象,該店名為全棉時代,除了我們一般認知的棉製品例如毛巾、衣服之外,還有紙巾、化妝棉、衛生巾等,而且價錢一點也不便宜,也算是大開眼界。

又見到PEPPA PIG,媽媽告訴逸逸黎緊係豬年所以PEPPA 當旺,逸逸覺得「當旺」依個新詞語好搞笑。

之後我地去左LINE CAFE食TEA

今次我地試左士多啤梨pancake (芒果好味d)同埋彩虹蛋糕(逸逸超鍾意),爸爸媽媽還試了奶凍同雪糕,樣樣都唔錯。

仲影左好多靚相添,我地今次深圳海岸城飲飲食食半日遊就完滿結束了。

Comments

comments

發表迴響

你的電子郵件位址並不會被公開。 必要欄位標記為 *