我們一向都好少參加堂區的元旦大旅行，對上一次參加已經是2012年去大棠郊野公園，今年聽到宣傳話今年堂區旅行去大坳門的時候，我就好想好想帶逸逸去，覺得逸逸應該會鍾意，於是邀約埋爸爸媽媽一齊去。
早上9:00聖堂集合，之後就乘旅遊車出發去大坳門，因為三歲以下小童免費，所以沒有為逸逸買票，結果兩歲多的逸逸要跟我和恆仔再加行裝同坐兩個座位實在擠到不行，下次還是要幫逸逸買票比較好。神父在車上帶領大家早禱，所以感覺好快就到達目的地。
去到搵個地方SET UP大本營先，因為好大風的關係，帳篷都被吹彎了。
首先是一起參加大自然感恩祭
能夠在2019年的第一天在天主的愛內和家人及教友一起參加感恩祭，真好。
感恩祭之後就開餐喇，我地預備左好多食物來野餐!
我們預備了麵包、風乾火腿、煙三文魚、芝士、菠蘿腸仔、香蕉、士多啤梨、薯片、果汁、熱茶，本來爸爸還預備左芒果布甸，好可惜溶左……
逸逸捉住公公陪佢周圍行
大坳門是出名放風箏的地方
當日都有好多人放風箏
公公：天空上面個D就係風箏喇~
我地都預備左風箏過來，點知原來堂區都預備左風箏，仲舉行風箏設計比賽添﹗
風箏設計比賽分為填色組以及設計組，有部份教友真係畫得好靚，所以我地無獎攞，對手太強喇~
比賽完左就落場放風箏喇~
雖然唔算放得好順利，不過大家都玩得好開心。
今年英語組的教友好積極參加堂區旅行，我地都JOIN左佢地一齊跳舞，逸逸仲同人地手拖手一齊跳添﹗
范神父帶左扯鈴來表演
熱熱鬧鬧咁就完成了今次元旦堂區大旅行，下年最好可以約埋妹妹一家一齊去再玩過。