食完午飯，又繼續我們的迪士尼樂園之旅。
首先去左玩拎左FAST PASS的PETER PAN’S FLIGHT，好靚~不過始終入面都黑沉沉，感覺逸逸唔算太ENJOY。
之後的晶彩奇航就唔同了，坐船欣賞不同迪士尼故事的場景，好靚之餘又有不同的特技效果，我個人覺得有D似香港迪士尼樂園的童話園林放大版。
下一站我地又拎左FAST PASS去玩香港迪士尼樂園已經拆左的巴斯光年星際歷險，恆仔今次拎左歷史性超高分，我因為抱住逸逸，亦拎左歷史性新低分……
其實小朋友真的不用太複雜，只要讓她這樣跑呀跑就非常開心了。不過這兒有幾個小朋友好頑皮，我們要牢牢的盯實逸逸，確保她的安全。
今次在上海迪士尼樂園，錯過了PARADE，也只是睇左兩個SHOW，其中一個就是特地睇住時間為逸逸安排的BAYMAX SUPER EXERCISE EXPO，因為逸逸在家中也有一隻BAYMAX，是她的好朋友。
兩公孫一齊跟住BAYMAX同埋HIRO一齊做運動，伸展一下筋骨之餘，順便可以驅驅寒氣。
太陽開始落山，天氣也越來越凍，我地都決定玩埋TOY STORY LAND就走了。
逸逸見到泡泡龍沖天賽車話想玩……
你仲細個喎，不如玩胡迪牛仔嘉年華喇~估唔到速度都好快，都好刺激下架~
實在太凍喇，好似得6度，同亮左燈的靚靚城堡影埋相就走喇~
仲有好多野未玩，要考慮一下組織一個三日兩夜的上海迪士尼之旅。
因為外面仲有個不用入場費的迪士尼小鎮我地都無時間同體力參觀。
BYE BYE上海迪士尼樂園
全日都無乜點瞓過覺逸逸一回到酒店就呼呼大睡。
我們的晚餐是爸爸媽媽給我們送外賣，連鎖店吉祥餛飩真係好好味，好味到我想搵下深圳有無方便就腳的分店再去食。
逸逸瞓醒先再落樓下便利店買關東煮同肉飽俾佢做晚餐。