二零一八年九月二十三日 (星期日)
起身第一件事，又係先係酒店食番個早餐先。
逸逸黎到泰國之後胃口一直都麻麻地，可能始終唔係太適應泰式的香料，今天早餐拎左隻烚蛋俾佢，無特殊味道，終於可以自己搣殼自己食。至於最鍾意地道風味的我，除了繼續大量品嚐泰式美食區的食物之外，今早特地試了泰式甜品，不過除左熟悉的椰汁糕之外，其他都麻麻地。另外，今日又試了泰式版ROSELLE JUICE，其實即係我們也熟悉的洛神花茶。
食飽之後去PLAYROOM活動一下先，逸逸一坐上這家搖搖船，就話今日無姐姐同佢一齊玩。
熟悉的英文字母，不過放在一起對逸逸來說是無意義的組合，所以用字母拼了她的名字她也不明白。
今日出去挑戰一下室外的遊樂場，平行木真係無能力陪她玩。
最多玩下轉轉轉
同埋包到實的捐窿窿喇~
其實依度除左俾小小孩玩的PLAYROOM，仲有大朋友同成年人都啱玩的AIR HOCKEY同足球機，所以我覺得依家酒店的遊樂設施真好正。
游水喇~游水喇~逸逸無俾昨日倒豎蔥式頭落水嚇親，玩得非常盡興。
游完水番醒覺我地出發喇，我地去左BTS的RATCHADAMRI站搭BTS去SIAM，發現旁邊的公園正在舉行賽馬呢﹗
我地D CASH又差不多用晒，今次去左SIAM站內的橙色SUPERRICH換錢。
換完錢去左SIAM PARAGON的美食廣場食午餐，SIAM PARAGON的美食廣場地方好大，食店選擇好多，樣樣都好似好吸引咁。
睇下D雪條幾吸引~
我地最後選擇了相對無乜特色的日式烏冬，因為逸逸吃著慣常味道的COMFORT FOOD，食得又快又多，我同恆仔都食得特別舒服。