逸逸的學校每逢聖誕節,K1-K3的學生會在外面的演出場地有聖劇表演,至於仲係傻更更而且有好多細B每個月陸續加入插班的N班,就會在學校舉行CHRISTMAS SING-ALONG,表演俾家長睇。
因為本身一直同逸逸講今日媽媽會一齊,點知去到學校原來小朋友要早15分鐘入去預備,結果去早三日番學都無喊的逸逸,又接受唔到分離大哭,直至見到我入到課室坐下才冷靜下來。
小朋友們主要都是唱一些平日在課堂學習的兒歌
仲有唔同會道具變化,逸逸載歌載舞,非常忘我投入。
特別是唱TWINKLE TWINKLE LITTLE STAR的時候,明顯聽到逸逸唱歌的聲音。
因為每位學生只能邀一位家長出席,所以媽媽一直欣賞逸逸的演出,一直瘋狂拍片俾未能出席的爸爸欣賞。
今日服裝的主題色是紅色、綠色和啡色,不過大部份同學都同逸逸一樣以紅色為主。
唱完歌仲有親子遊戲的時間,能夠和逸逸一起享受校園生活真好。