繼十一月尾的深圳海岸城LINE FRIEND CAFE & STORE半日遊之後，事隔沒多久，十二月中我們又來到深圳海岸城了。
上次來的時候在LINE FRIENDS CAFE買了一隻SALLY髮夾給逸逸，點知被我們大人不小心弄壞了，在沙田的LINE STORE沒有在賣，唯有再上一趟深圳SHOPPING喇~
我地又來到LINE FRIEND CAFE，今次天氣好好，可以在外面影相喇~
逸逸一來到LINE FRIEND CAFE & STORE就跳跳紮好開心。
第一時間梗係買番隻SALLY髮夾即刻戴先喇~好彩逸逸揀中SALLY，因為今次淨番SALLY髮夾有貨咋~
今次終於試左上次無得食的芒果PANCAKE，又靚又好味道~
飲品就試了芒果沙冰，其實味道都OK，係奶味強左D~
逸逸每次見到LINE FRIENDS的CHARACTER都好開心，嚷著要影相。
不過期間發生左一件唔係咁開心的事，話說食完TEA恆仔同逸逸係店內周圍影下相，我就坐左CAFE入面睇住D行裝，突然見到恆仔帶住逸逸和一個職員走過來，原來職員看到逸逸頭上的髮夾，竟然質疑未有付款而要求看單據。
其實我想講，逸逸年紀咁細根本連自己戴髮夾都未識，而大人如果真係偷野會唔會咁傻仲會俾個小朋友戴住個髮夾然後唔走留係舖頭入面行來行去？而且戴住同系列衣服飾物玩具去主題餐廳/樂園玩係好普通事，唔通我以後一定要隨身帶住張單？我地係食TEA前買髮夾的，食TEA之後都無再行過去SHOP個邊，憑乜野去咁樣懷疑我地？
我同恆仔講其實係咪見你一個男人帶住個小女孩懷疑你係拐子佬？所以職員見到你兩父女行去我身邊時，張單都未拎出黎就話OK，恆仔話佢地兩父女咁似樣都懷疑，個職員更加有問題喎，哈哈~
食完TEA天都已經開始黑，外面著晒燈好靚~
逸逸好似鄉下妹出城咁，超興奮呢﹗