犇道在龍門居已經開業了一段日子，一直對於入去試下有D猶豫，因為在屯門食一餐接近$100的午餐，其實都幾貴，所以唔好意思邀請同事一齊食，今次自己一個人食LUNCH，終於決定入去試下。
犇道店名有三隻牛，當然要試這兒的牛料理，所以點了午市套餐人氣NO.1價值$88的慢燒極上牛排丼定食。
前菜不是例牌的中華沙律或螺肉，而是枝豆，正﹗
主角是慢燒極上牛排丼，有150g牛排，燒到半生熟，不過個人覺得雖然賣相一流，不過牛扒筋比較多，汁料和配菜的配合度好一般，整體食味一般。
加埋杯即磨咖啡作結
整個午市套餐來計，牛排有一定份量，又有前菜和飲品，以價錢而論又不會有投訴，不過又難以吸引我再來。