逸初次北上之深圳海岸城LINE FRIENDS CAFE & STORE半日遊

二零一八年十一月二十五日(星期日)

逸逸的回鄉咭其實是和護照同期申請,中間已經去過三次日本一次台灣一次韓國一次泰國,都仲未去過中國內地。適逢恆仔要上內地開個銀行戶口,加上已經訂好聖誕節的上海之旅,今次就小試牛刀,帶逸逸第一次北上,去深圳的海岸城逛下。

屯門人當然是搭巴士經深圳灣口岸過境了,過境之後再轉乘M299路巴士就去到海岸城,方便快捷,我們的深圳八達通仍然有效,入面仲有幾拾元,每次車費只是兩元,有排用。

逸逸未出世之前,我和恆仔也是海岸城的常客,仲記得有一次食完PELICANA CHICKEN再去MANGO SIX TEA一TEA,簡直以為自己去左韓國一趟。不過自從懷孕之後都沒有再上過深圳,今次印象最深刻的就是排隊搭巴士秩序非常好,人民質素有明顯的進步,令我們更放心帶逸逸再上深圳。

原來依家潮流興咁樣唱K,又幾有趣喎~

今次去左中國工商銀行開戶,按住網上面教人點樣在內地開戶的懶人包,超級順利,內地銀行星期日都營業真的很方便。雖然我們的開戶目標是海岸城附近的中國工商銀行,其實我們在口岸時見到有中國銀行也入去問過,不過佢原來要我們提供深圳住址證明,唯有放棄。

恆仔處理開戶的時候,逸逸在這兒睡午覺,PERFECT﹗在等候期間,聽到有兩個年青人向職員詢問申請一些銀行服務的資料,需要即時入數拾元現金到帳戶,兩人竟然身上都沒有足夠的現金,深圳現時使用電子貨幣真的已經出神入化。

逸逸瞓醒覺我地就去LINE FRIENDS CAFE & STORE朝聖。

有大大隻BROWN係門口坐陣

逸逸之後去過泰國的LINE VILLAGE BANGKOK之後,就同LINE FRIENDS建立了感情。

好可愛的INTERACTION~

舖頭入面好多影相打咭位

逸逸見到CUSHION就要攬攬

滿場飛都唔知幾興奮

情深款款的目光

我地今日係度食TEA

點好餐付埋款之後,等感應器響就可以取餐。

我們點了一個芒果YOGURT俾逸逸,點了一個TIRAMISU我同恆仔分享,點知逸逸鍾意TIRAMISU多D~

飲品方面,我當然要熱LATTE,點了一杯橙汁俾逸逸,佢又鍾意恆仔杯西瓜沙冰多D~

LINE FRIENDS CAFE的食物質素真係唔錯,不過價錢都幾貴。

我地又買左一個髮夾俾逸逸,其實除左SALLY之外仲有BROWN同埋CHOCO揀,估唔到逸逸會揀SALLY~

之後我地係海岸城逛下

海岸城的玩具反斗城地方雖然唔大,但係同屯門市廣場相比,人唔多之餘又多玩具拎出黎俾小朋友試玩,逸逸係度玩得好開心。

另外玩具反斗城位處的樓層是集中了嬰幼兒的店舖,亦有一個不錯的BABY CARE ROOM,算是一個BABY FRIENDLY的商場。

食完TEA都唔太餓,商場入面的餐廳好似間間都好厲害會食得好飽,但又唔甘心回港後幫襯屋企附近已經食到厭的餐廳,所以係海岸城揀左一間港式茶餐廳,食物好好味,不過付款時出現小問題,因為我們沒有WE CHAT PAY或者支付寶,出現無零錢找贖的情況。

因為已經入夜,我們由海岸城搭的士去口岸,路上非常塞車,司機都有點煩躁。

搭巴士番屋企,逸逸話依D彩色一條條的是粉粉喎~

Comments

comments

2 則迴響於《逸初次北上之深圳海岸城LINE FRIENDS CAFE & STORE半日遊

  1. 而家曉又重抱唔到咁耐,午睡時間又長,我都唔係好敢帶佢去呢類深圳day trip…好似都好耐冇上去行下~

發表迴響

你的電子郵件位址並不會被公開。 必要欄位標記為 *