二零一八年九月二十二日(星期六)
今天回復悠閒的行程。
在酒店食完早餐之後，我們先去逛BIG C買手信。
我們去的BIG C是可步行距離，非常方便。
我們之前幾天一直在用的現金，其實是五年前和妹妹來曼谷旅行用剩的泰銖，這幾天已用得七七八八，因為上網查過BIG C的商場有兌換店，所以去SHOPPING前第一件事要先去換錢。
不過依間橙色SUPER RICH是意想不到的超難搵，問左好多次日左兜右兜先至搵到，都未開始SHOPPING已經用晒D腳骨力。
攪掂晒就去SHOPPING喇~依間BIC C樓高兩層，可以慢慢逛。
逸逸睇中左POOH POOH & FRIENDS的杯麵，仲自己放入購物車。
逸逸好鍾意篤篤，影番張相先~
買左好多野食，我又買左件TEE同埋逸逸番學的白襪仔，仲買左一把小朋友雨傘俾逸逸添﹗
超級市場賣泰拳用品，真係泰國特色。
逛完BIG C我地就番酒店游水了﹗
今日游水發生了一單小意外，穿著水泡的逸逸成個向前反轉左，倒豎蔥式頭係水入面，恆仔和我立即上前救她出來。逸逸一上水咳了幾聲，喊住要我抱，問逸逸仲繼唔繼續游水，她答唔游，點知同佢上水之後行左幾步，都未行到去拎毛巾，逸逸就指住話要再落水玩過。
我們也趁機教逸逸閉氣放頭入水，恆仔和我輪流向她示範，雖然她沒有真的成功放頭入去，但如果問她點樣閉氣潛水，她會摸住鼻哥然後將頭向下，好搞笑。
游完水，逸逸瞓醒覺，我地就出動去食午餐了，今日決定去試下位於AMARIN PLAZA的麥當奴。
想不到泰國麥當奴有這種1+1=49 BAHT 的 MCSAVER套餐，我點了一個39 BAHT的CHICK N’ CHEESE 加一杯 30 BAHT的咖啡MCFLOAT，超抵﹗
恆仔點了一般的套餐，有兩大件炸雞，個炸雞辣到飛起﹗
今次我們幫逸逸點了開心樂園餐，成為了最大的驚喜﹗
話說自從來到泰國之後，逸逸食野都唔係太好，可能因為她不喜歡泰式香料的味道。但今日食麥樂雞，竟然可以自己坐係度自己拎住食，實在太感動了。
而且泰國的開心樂園餐會有萍果，好FRESH呀﹗如果香港都有就好喇~