錦麗在1970年於越南創立，被華爾街日報譽為越南最好食牛肉粉品牌，多家香港分店都大排長龍，最近終於開到屯門，找一個平日的下午過來吃個LUNCH。
雖然是平日的中午，也要排一會兒隊才可以入座~
一坐下首先每人獲發一杯包括芽菜、青檸、辣椒、香葉等的湯粉配料~
我點了一碗綜合粉，有生牛肉、熟牛肉和牛丸作配料，全部都有質素，恆仔曾長情的點了去到邊都食的生牛肉粉。
枱面貼了小LABEL，教大家識食即係點樣食﹗根據所學，首先趁熱呷一口湯，嚐嚐湯的味道，果然清甜而濃郁，好味道。之後將香菜撕碎再放入湯中，再加入青汁、辣椒及菜拌勻，再吃一口，味道變得複了及充滿層次，又是另一個味道。
不過如果帶逸逸來，可能直接甚麼也不下比較合適。
小食試了越式炸春卷，即炸即食，香脆好味道。
後來又再去錦麗再吃了一次，繼續點了綜合粉，不過試了另一款小食：
炸蝦餅，彈牙好味
另外仲點了飲品，不過大家的經歷都麻麻地~
恆仔的鹹檸檬青檸梳打似乎太鹹…
我的凍越南滴漏咖啡本來無乜問題，不過滴完之後我無留意原來煉奶在杯底，沒有拌勻就倒落冰杯個度，未能原汁原味，另外，倒落冰杯時又瀉左少少，有點狼狽。
不過依D都只是小插曲，整體來說錦麗都是一家值得推介的越南粉餐廳。