二零一八年九月十九日(星期三)
今次旅行的目的是休息同埋陪逸逸瘋狂玩水，所以BOOK酒店的時候除了揀泳池之外，也特地選了包早餐的選項，目的是不用舟車勞動每朝要搵地方吃早餐，而且大部份日子都跟今天一樣，食完早餐再盡情享用酒店的設施，中午過後才離開酒店，開始一日的行程。
看AGODA的評價，住客對於GRANDE CENTRE POINT HOTEL RATCHADAMRI的早餐毀譽參半。不過，我就屬於欣賞的派別，中式西式日式泰式的食物都有，也有COOKING STATION製作蛋料理同泰式湯粉，而我就特別喜歡泰式美食區，紅咖喱青咖喱炒通菜及其他各式小菜都很美味，不過特別喜歡泰式迷你小油條，好正﹗
餐廳的面積很大，就算假日最多都是坐得很FULL，但也不用等位等太久，至於平日就更加可以自由選擇座位，餐廳的職員很友善，很喜歡逗逸逸玩，因為我們在這兒連續吃了六天早餐，逸逸見到他們也會主動打招呼。
食完早餐唔可以即刻游水，我同左逸逸去酒店的CHILDREN PLAY ROOM玩。
酒店的CHILDREN PLAYROOM面積不算大，玩具也不算好多，不過來玩的小朋友也不多就是了。
對於逸逸黎講，樣樣試下都已經非常忙碌，樂此不疲。
依個滑梯好短但滑得好快，去到最後一天，逸逸仍然要我拖住才敢玩。
逸逸好鍾意依個要兩個小朋友一齊玩的搖搖船，起初得她自己一個的時候，我就在對面用手幫她搖。
後來有一個比逸逸大一點的小朋友一齊玩，逸逸好開心，.其實依個姐姐同我地的日程都好相似，我們其後幾日都不時在酒店餐廳同埋泳池相遇。
PLAYROOM都有少量小玩具
同埋大型公仔
玩到差不多我地就返酒店房換泳衣喇~
因為依家係泰國雨季，雖然無落雨，但大部份時間都天陰，池水都有D凍。不過逸逸大個左身體都強壯左，早兩個月的話，這樣的水溫足以令她的嘴唇瞬間變紫。
泳池無乜人，可以玩得特別盡興。依家逸逸用水泡越來越叻，我地唔駛再無時無刻捉住佢，可以讓她在水入面自由自在的游來游去，不過當然仍然一秒都唔可以俾佢離開我地的視線範圍喇~
見到逸逸玩水玩得咁開心，我地都特別開心呢﹗
游完水返酒店房沖完涼，我地就陪逸逸瞓覺，瞓醒先至正式出動。