上星期去唔成I SQUARE的E3 CLUB,結果改左去科學館,今個星期六我又要再次單挑逸逸,所以今個星期終於E3 CLUB GO GO GO﹗
如果玩足一日的話,E3 CLUB的入場費其實不算貴,WEEKEND的日票$180包一個大人+一個小童,但是兩歲的逸逸不可能支撐玩很長的時間,當然可以用體驗價$80玩45分鐘,不過對逸逸來說45分鐘又到喉唔到肺。算喇,偶然先玩一次,貴一點都唔緊要喇~
對逸逸來說,最吸引的一定是波波池。
俾波波包圍住好幸福
最近多左落遊樂場玩,肢體靈活左好多。
依D拱拱原來對兩歲的孩子也是挑戰。
平日玩滑梯有D細膽的逸逸,不知那來的勇氣,自己話要玩依個,結果正面SIR落去,落到下面變左成個趴係度,應該是因為逸逸太輕磅,結果一轉彎就成個拋起,最後撞瘀左塊臉,又要重新對滑梯慢慢建立信心了。
最後淨係肯玩依個細滑梯,仲要媽媽拖住SIR。
充氣彈床都好好玩,得我地兩母女係入面所以好安全。
彈到逸逸幾開心
逸逸都好鍾意依個LED地板,係上面跳會著燈,逸逸係上面跳舞。
廚房切切切,不過食材所剩無幾…
依個場超多車車,架架車都坐下已經好忙碌~
依架車有條路軌,滑落去都幾過癮,不過辛苦媽媽我要將架車搬上搬落~
逸逸係依度玩到腳步不穩都仲唔捨得走,小朋友真係好鍾意依類型PLAYROOM,不過逸逸年紀比較少,下盤比較弱一撞就跌,也不夠迅速及靈活的去閃避一些玩得比較瘋狂的小朋友,大人要多花精神照顧住,特別是尖沙嘴區比較多外國小朋友,每次我忍唔住要開聲叫D小朋友留意小心唔好整到小小朋友的時候,都係講英文的,不禁想起以前做野的地方那瘋狂三兄妹。