今日是逸逸第一天上學，穿上校服時非常興奮，揹住書包更加唔肯放低。
今日只係番一個鐘，1:30pm-2:30pm，有三個小朋友也跟逸逸一樣第一天上課（本來四個，有一個第一天就請病假），在門口換好室內鞋之後，逸逸仍然非常興奮紮紮跳又問東問西。
校長逐個小朋友連家長輪住入課室，原來先幫小朋友影張第一日番學的紀念照，影完相講句拜拜老師就快手快腳的帶了逸逸入課室。
夠鐘放學，校長又是逐個小朋友送出來，校長話逸逸有d扭計，唔肯食茶點，出黎時扁嘴同眼濕濕，見到媽媽就要抱抱，不過也肯同校長拜拜，媽媽話明日再來逸逸也話好。
經過向逸逸旁敲側擊，都只係知道今日有食茶點時間，逸逸話有飲水水，同埋佢喊有個姨姨（校長？老師）抱佢，媽媽也鼓勵她明天記住食茶點，番黎話俾媽媽知好唔好食。
畢竟是N班，循序漸進的安排，讓學生一步一步適應，不會嚇怕幼小的心靈，此後可以開開心心上學。
希望逸逸可以開開心心上學。