泰突然之曼谷HOLIDAY – DAY 1 – 香港機場LADY M‧曼谷GO GO GO

二零一八年九月十八日(星期二)

我地出發去旅行喇~

逸逸相當關照DOG DOG車,一知道去旅行搭飛機就一定要帶埋DOG DOG車。

當然仲要幫手推喇(雖然爸爸媽媽係覺得越幫越忙,哈哈)

可能因為今次颱風山竹襲港期間,航空公司當機立段就取消航班,所以今天我們來到機場,完全沒有一絲颱風後的混亂情況。

我們來得早,排隊辦CHECK IN的人不多,我們連禮遇通道也不需要又已經迅速過關,還有大量的時間才登機。

應逸逸的要求逛了一會兒DISNEY STORE,發現了可愛的史高治叔叔&侄兒們的TSUM TSUM。

再周圍逛一下,發現原來機場禁區入面開了LADY M,仲要唔駛排隊,好想入去試下。終於諗到一個藉口:之前已經話要上機前買D野俾逸逸食,不如我地入去食蛋糕喇~

LADY M的招牌:原味千層蛋糕,口感軟滑,甜度恰當,完全沒有吃甜品的負擔,果然非常好吃。看起來只是一層PANCAKE一層CREAM的組合,要不是吃過不好吃的千層蛋糕,不會體會到原來做得好吃也不是一件容易的事。

栗子蛋糕都好好食,餅底、忌廉、栗子蓉同栗子碎混合一起吃味道最佳。

另外點了LATTE同埋凍朱古力,味道都唔錯。

逸逸都係鍾意食原味千層蛋糕多D,食到食唔到口。

仲飲左好多凍朱古力添﹗

食飽飽就去我們的登機閘口,今日我們乘搭國泰航空2:10PM的航班。

23登機閘口旁邊就是兒童遊樂場,逸逸玩到最後一秒先至上機。

今日天氣好好,一點也看不出早兩天才掛過十號風球。

個天清到可以從高空睇到好靚的維港景色添﹗

逸逸最後一次可以買INFANT TICKET,不過飛機餐提供的BABY FOOD已經完全唔啱胃口,提供的尿片是已經不合穿的中碼,幸好可以轉贈詩詩,不會浪費。

逸逸梗係要同我地一齊飲汁汁喇~ 上機之前,我同逸逸講一陣要坐飛機,逸逸第一個反應就是係咪有野食同有汁汁飲,然後上到飛機一坐低,就已經話要飲汁汁了,哈哈~

原來國泰的飛機餐都幾好食,特別係個咖喱,好香。逸逸不論麵包、長通粉、水果同埋雪糕,沒有錯過任何一樣食物。

大約三個小時的機程,我們來到風景截然不同的曼谷了。

Comments

comments

發表迴響

你的電子郵件位址並不會被公開。 必要欄位標記為 *