2018-09-30 我兩歲大了(2Y0M0D)

我兩歲大了!

我大個女喇,識睇紅綠燈公仔過馬路,爸爸媽媽拖住可以自己上落扶手電梯,我認得路,昨天我就帶爸爸由V City行去聖堂。

我仍然超級鍾意游水,上個星期同爸爸媽媽去左泰國旅行,差不多日日都游水,好開心。講個秘密你知,我已經大概知道放頭落水水的概念,下次再去游水一定要試下。講開泰國,仲有一樣我好鍾意的就係坐篤篤,因為好大風,哈哈。係街上面行的時候,我會指晒我見到的篤篤俾爸爸媽媽知;仲有泰國的芒果、芒果汁同埋芒果沙冰,都係今次旅行重要的回憶。

今個中秋節我第一次食月餅,已經試過蓮蓉月餅、奶皇月餅、冰皮月餅同埋雪糕月餅,樣樣都鍾意食。另外我地又去左玩燈籠,我真係好鍾意自己的米妮燈籠,媽媽驚我累話幫我拎一陣我都話唔駛。

我最近都有學唱新歌仔,繼太陽伯伯同大西瓜之後,依家我可以跟住陳奕迅叔叔唱Shall we talk,不過自己唱就仲未得,要再練習一下先。

我下個星期就開始番學喇,有d期待,又有d緊張呢!

Comments

comments

發表迴響

你的電子郵件位址並不會被公開。 必要欄位標記為 *