二零一八年八月五日(星期日)
澳門，早晨。
媽媽梳洗的時候，逸逸睇電視睇到聚精匯神，原來係BABY TV CHANNEL，唔怪知得咁啱逸逸口味喇~
因為幾年前來澳門住過金麗華酒店，當年對薈景閣咖啡室的自助早餐印象非常好，不論餐廳的環境、食物的質素，以至員工的服務都非常好，所以今次再次入住也刻意要加錢享用這兒的自助早餐。
可惜因為人客太多的關係，要加開中菜廳的位置吃早餐，不單原本期望的歐陸情調落空了，鬧哄哄的環境也毀了昨晚中菜廳高貴的感覺。
在中菜廳吃早餐的客人，也可以去薈景閣咖啡室選擇食物，不過在中菜廳也有少量的食物和飲品選擇，不過食物都已變得冷冰冰，還是走多幾步路過去薈景閣咖啡室取食物比較好，不過薈景閣咖啡室也是人多擠迫，完全不能享受到一絲假日早上應有的悠閒。
枱上也放有EGG COOKING STATION的點菜紙，不過奄列煮得太老，所以今天的早餐整體來說跟我想像的相差太遠，如果下次再在WEEKEND入住的話，還是出去街上的小店吃早餐比較化算。
要好好享用酒店的設施，所以吃過早餐之後，我們又去左酒店的PLAYROOM玩。
今日終於有勇氣自己入去波波池玩了。
下一秒就大蕃薯了~
最鍾意玩波波
地方雖然細，但逸逸自己一個玩就非常寬敞了。
可以SIR落波波池度
實在太好玩了
不過後來加入了兩個大孩子，他們的玩樂方式非常危險，又完全違反了逸逸對波波池以及SIR滑梯的認知和秩序，例如他們會在滑梯下面將波波向上丟，由下面爬上滑梯，又或者成個人瞓係個滑梯上面唔上又唔落，逸逸一心諗住排隊SIR滑梯，經過一輪等待之後都仲未係可以SIR的狀態，面有難色的望住我們問：”係咪都逸逸喇？”作為媽媽的我聽到個心都覺得唔太舒服。
今日又玩左昨日有幾個大姐姐長期係入面的小屋
好似一個小小的秘密機地咁，好搞笑。
朝早太陽太猛出唔到去室外遊樂場玩，係室內玩多陣搖搖馬就離開了。
玩到筋疲力盡，番酒店房瞓埋個MORNING NAP先至CHECK OUT出動繼續玩。